Gujarati News

ધાનેરાની કોર્ટમાં મુદ્દત માટે આવેલો લુંટ અને દુષ્કર્મનો આરોપી ભાગી  જતા દોડધામ મચી જવા પામી છે કોર્ટમાં મુદ્દત હોવાથી હાજરી આપવા આવેલો આરોપી પોલીસને ધક્કો મારી ભાગી જતા ચકચાર મચી ગઇ છે

બનાસકાંઠા જીલ્લાના ધાનેરામાં પોલીસ પકડમાંથી આરોપી ફરાર થઇ જતા ખળભળાટ મચી ગયો છે. ધાનેરા તાલુકાના ધુણસોલ ગામનો અલ્પેશ પંચાલ લુંટ, ચોરી અને દુષ્કર્મના કેસનો આરોપી હાલ પાલનપુર સબજેલમાં કેદ હોવાથી કોર્ટમાં મુદ્દત માટે પોલીસ ધાનેરા લઇ આવી હતી. આ દરમ્યાન સ્ટેન્ડ પર બસમાં ચડતી વખતે આરોપી પળવારમાં પોલીસને ધક્કો મારી ફરાર થઇ ગયો હતો. રાત્રિ હોઇ અંધારામાં પલાયન થઇ જતા પોલીસબેડામાં દોડધામ મચી ગઇ છે.

સુત્રોએ જણાવ્યુ હતુ કે, લુંટ, ચોરી અને દુષ્કર્મના આરોપીની આજે કોર્ટમાં મુદ્દત હતી. જોકે પોલીસને ચકમો આપી આરોપી ફરાર થઇ જતા તેને પકડવા દોટ લગાવી હતી. આરોપી પકડમાં ન આવ્યો હોવાથી પોલીસે તાત્કાલિક અસરથી તેને શોધવા કાર્યવાહી હાથ ધરી છે