Gujarati News

(અશ્વિન વ્‍યાસ) ગાંધીનગર તા. ૧૫ : ચૌદમી ગુજરાત વિધાનસભાનું આખરી સત્ર આગામી તા. ૨૧મીથી રોજ બે દિવસ માટે મળી રહ્યું છે. આ સત્રમાં સરકારી વિધેયકો રજુ થનાર છે. આ સરકારી વિધેયકો સત્તાધારી પક્ષ પાસે બહુમતી હોવાથી મંજુર કરવામાં આવશે.
આ સત્રના આગલા દિવસે બે મુખ્‍ય પક્ષો ભાજપ અને કોંગ્રેસ પોતાના પક્ષના સભ્‍યોની અગત્‍યની બેઠકો બોલાવનાર છે. આ બેઠકમાં આ અંતિમ સત્રની રણનીતિ માટે મળશે અને જરૂરી ચર્ચા પરામર્શ કરશે.
આગામી ડિસેમ્‍બરમાં વિધાનસભાની ચૂંટણીના પરિણામો બાદ કઇ સરકાર બને છે તે જોવાનું રહ્યું અને ત્‍યારબાદ આવનાર વર્ષ ૨૦૨૩-૨૪ના બજેટની તૈયારીઓ થશે. સંભવત ડીસેમ્‍બર ઉતરાર્ધમાં નવી સરકારની રચના પછી તુરંત બજેઠ બેઠકોનો દોર શરૂ થશે.