Gujarati News

Gujarati News

News of Saturday, 15th May 2021

અમદાવાદના નરોડામાં આવેલા કેપિટલ કોમ્પલેક્ષની બિલ્ડિંગમાં ભીષણ આગ

કોમ્પલેક્ષમાં વેદાંત કોવિડ હોસ્પિટલ આવેલી હોવાથી ડોક્ટરો તેમજ દર્દીઓના સ્વજનોના જીવ તાળવે ચોંટ્યા

અમદાવાદ: શહેરના નરોડા વિસ્તારમાં આવેલા સ્મશાન નજીક કેપિટલ કોમ્પલેક્ષની બિલ્ડિંગમાં અચાનક ભીષણ આગ લાગી હોવાનો બનાવ સામે આવ્યો છે. આ આગની જાણ થતાં ફાયર વિભાગનો કાફલો ઘટના સ્થળે દોડી આવ્યો હતો અને ભારે જહેમત બાદ આગ પર કાબૂ મેળવ્યો હતો

આ અંગે પ્રાપ્ત વિગતો મુજબ, નરોડામાં કેપિટલ કોર્પોરેટ કોમ્પલેક્ષ નામની બિલ્ડિંગમાં અચાનક આગ લાગી હતી. આ કોમ્પલેક્ષમાં વેદાંત કોવિડ હોસ્પિટલ આવેલી હોવાથી ડોક્ટરો તેમજ દર્દીઓના સ્વજનોના જીવ તાળવે ચોંટ્યા હતા. આ ઘટનાની જાણ થતાં ફાયર વિભાગની ગાડીઓ ઘટના સ્થળે દોડી આવી હતી અને બચાવ કામગીરી હાથ ધરી હતી.

ફાયર બ્રિગેડની ટીમ દ્વારા સુરક્ષાના ભાગરૂપે વેદાંત કોવિડ હોસ્પિટલને ખાલી કરવામાં આવી હતી.  હોસ્પિટલમાં સારવાર લઈ રહેલા દર્દીઓને એમ્બ્યુલન્સની મદદથી શહેરી SVP હોસ્પિટલમાં ખસેડવામાં આવ્યા હતા.  જે બાદ આગ પર ભારે જહેમત બાદ આગ પર કાબૂ મેળવી લેવાયો છે.

હાલ આગ લાગવાનું ચોક્કસ કારણ જાણી શકાયું નથી, પરંતુ એસીમાં શોર્ટ સર્કિટ થવાના કારણે આગ લાગી હોવાનું અનુમાન છે. હજુ સુધી આગામાં કોઈ જાનહાનિના અહેવાલ મળ્યા નથી

(6:45 pm IST)
  • વરિષ્ઠ પત્રકાર અને ફાઇનાન્સીયલ એક્સપ્રેસના એડિટર શ્રી સુનિલ જૈન નું દુઃખદ અવસાન : 12 દિવસ પહેલા તેમણે ટ્વીટ કરીને જણાવ્યું હતું કે તેઓ AIIMS ના ઇમરજન્સી વોર્ડમાં દાખલ થયા છે access_time 11:08 pm IST

  • ૨૮મીએ સવારે જીએસટી કાઉન્સિલની બેઠક : ૨૮ મેના સવારે ૧૧ વાગે નાણામંત્રી નિર્મલા સીતારમણના અધ્યક્ષ સ્થાને ૪૩ મી જીએસટી કાઉન્સિલની બેઠક મળશે. access_time 3:22 pm IST

  • પશ્ચિમ બંગાળમાં આવતીકાલ રવિવારથી ૧૫ દિવસનું આકરૂ અને સંપૂર્ણ લોકડાઉન : પશ્ચિમ બંગાળમાં આવતીકાલ રવિવારથી ૧૫ દિવસનું આકરૂ અને સંપૂર્ણ લોકડાઉન લાદવાનો નિર્ણય જાહેર કર્યો છે. પશ્ચિમ બંગાળમાં કોરોના બેફામ ફેલાયો છે, હજારો લોકો ભોગ બની રહ્યા છે, ત્યારે આજે મમતા બેનરજીએ ૧૫ દિવસનો સંપૂર્ણ અને આકરા નિઉયમનો સાથેનું લોકડાઉન જાહેર કરી દીધું છે, જેનો અમલ આવતીકાલથી થશે..ન્યૂઝફર્સ્ટ access_time 1:01 pm IST