Gujarati News

અરવલ્લી:જિલ્લામાં કોરોના વાઇરસને લઈ લોકો ભયભીત બન્યા છે.અત્યાર સુધી જિલ્લામાં કોરોના પોઝીટીવ કેસોનો આંકડો ૭૯ એ પહોંચ્યો હતો.ત્યારે મોડાસાની કોવીડ-૧૯ હોસ્પિટલમાં ગુરૃવારના રોજ ૨૨ દર્દીઓ સાજા થતાં તેઓને તાળીઓ વગાડી સન્માનીત કરી રજા અપાઈ હતી.જેમાં મોડાસા-૧૦,ભિલોડા-૧૧ અને મેઘરજ-૧ કોરોનાગ્રસ્ત દર્દી સાજા થતાં સ્વગૃહે પરત મોકલાયા હતા.

વિશ્વભરમાં કોરોના વાયરસની મહામારીને લઈ લોકો ફફડી ઉઠયા છે અને આ વાયરસના સંક્રમણથી બચવા માટે  પ્રયત્નો કરી રહયા છે. જયારે અરવલ્લી જિલ્લામાં એકાએક કોરોનાના કેસોમાં વધારો નોંધાતા પોઝીટીવ કેસોનો આંક ૭૯ એ પહોંચ્યો હતો.કોરોના ગ્રસ્ત દર્દીઓને જિલ્લામાં આવેલ કોવિડ-૧૯ હોસ્પિટલ વાત્રક અને મોડાસા ખાતે સારવાર હેઠળ દાખલ કરાયા છે.  સઘન સારવાર બાદ શનિવારના રોજ મોડાસાની કોવિડ-૧૯ હોસ્પિટલમાંથી ૨૨ દર્દીઓ સાજા થતાં રજા આપવામાં આવી હતી. જેમાં મોડાસાના ૧૦, ભિલોડાના ૧૧ અને મેઘરજના ૧ કોરોના ગ્રસ્ત દર્દીને હોસ્પિટલના સ્ટાફે તાળીઓ વગાડી સન્માનીત કરી તેઓને પોતાના સ્વગૃહે પરત મોકલ્યા હતા.આમ એકસાથે ૨૨ દર્દીઓ કોરોના જેવા રોગમાંથી મુક્ત બન્યા હતાં.