Gujarati News

Gujarati News

News of Friday, 15th March 2019

ગાંધીનગરથી અમિત શાહ કે આનંદીબહેન પટેલ લડી શકે

લોકસભાની ચૂંટણીને લઇ ભાજપમાં ઉત્સુકતાઃ વિધાનસભાની વધુ બે ખાલી બેઠકો ધ્રાંગધ્રા, માણાવદર તેમજ જામનગર ગ્રામ્યની પણ પેટાચૂંટણીની સાથે યોજાશે

અમદાવાદ,તા. ૧૫: લોકસભાની ચૂંટણીને લઇ ભાજપમાં ભારે ઉત્સાહ અને ઉમેદવારોના નામોને લઇ ઇન્તેજારી અને ઉત્સુકતાનો માહોલ છવાયો છે ત્યારે ગાંધીનગર લોકસભા બેઠકની મહત્વની ગણાતી બેઠક પર હવે ભાજપના રાષ્ટ્રીય અધ્યક્ષ અમિત શાહ અને પૂર્વ મુખ્યમંત્રી આનંદીબહેન પટેલના નામો જોરશોરથી ચર્ચામાં છે. ગાંધીનગર લોકસભા બેઠક પર વર્ષોથી ચૂંટણી લડતાં ભાજપના દિગ્ગજ અને પીઢ નેતા લાલકૃષ્ણ અડવાણીની ઉમંરને લઇ હવે આ બેઠક પરથી અન્ય ઉમેદવારને તક આપવાનું ભાજપ હાઇકમાન્ડે મન બનાવ્યું છે ત્યારે હવે ખૂબ જ મહત્વની મનાતી આ બેઠક પર હવે અમિત શાહ અને આનંદીબહેન પટેલના નામો ચર્ચાઇ રહ્યા છે. વડાપ્રધાન નરેન્દ્ર મોદી ગુજરાતમાંથી ચૂંટણી ન લડે તો રાજ્યની તમામ ૨૬ બેઠકો પર માહોલ બનાવવા ભાજપના રાષ્ટ્રીય અધ્યક્ષ અમિત શાહ તથા મધ્યપ્રદેશના રાજ્યપાલ આનંદીબેનને ગાંધીનગર બેઠક પરથી લોકસભા ચૂંટણી લડાવવાના વ્યૂહ પર ભાજપની નેતાગીરીએ વિચારણા હાથ ધરી છે. અમિત શાહ હાલ રાજ્યસભાના સાંસદ છે. આગામી લોકસભા ચૂંટણીમાં રાષ્ટ્રીય નેતા તરીકે ૨૬ બેઠકમાં માહોલ ઊભો કરવા અને કાર્યકરોનો ઉત્સાહ વધારવા માટે ગાંધીનગર બેઠક પરથી ચૂંટણી લડાવવા પાર્ટીમાં વિચારણા ચાલી રહી હોવાનું સૂત્રોએ જણાવ્યું હતું. બીજી તરફ અમદાવાદ પૂર્વમાં પરેશ રાવલના સ્થાને અન્ય ફિલ્મ એક્ટર મનોજ જોશી, દિલીપ જોષી ઉર્ફે જેઠાલાલ, અસિત વોરા, ભૂષણ ભટ્ટના નામો ચર્ચાઇ રહ્યા છે. ગુજરાતમાં લોકસભાની ૨૬ બેઠકની સાથે વિધાનસભાની ખાલી પડેલી બે બેઠક ઉંઝા અને તાલાલાની પેટા ચૂંટણીની જાહેરાત કેન્દ્રીય ચૂંટણી પંચ દ્વારા ૧૦મીએ જ કરવામાં આવી હતી. હવે વિધાનસભાની વધુ બે ખાલી બેઠક ધ્રાંગધ્રા અને માણાવદર તેમજ જામનગર ગ્રામ્યની પણ પેટાચૂંટણી લોકસભાની સાથે યોજવાની જાહેરાત ચૂંટણી પંચ દ્વારા કરવામાં આવી છે.

(9:33 pm IST)
  • અમૃતસરના કેટલાક વિસ્તારોમાં મધરાત્રે મોટા ધડાકાઃ ગભરાટઃ અમૃતસરમાં ગઇ મોડી રાત્રે દોઢ વાગે કેટલાક વિસ્તારોમાં ધડાકાઓના મોટા અવાજોથી ઘરોની દિવાલો ધ્રુજી ઉઠી હતી. લોકો ભારે ગભરાઇ ગયેલ અને ભારત-પાકિસ્તાન જંગ છેડાયાની ચર્ચા થવા લાગેલ. જો કે પોલીસ આવા વિસ્ફોટોનો ઇન્કાર કરી રહેલ છે અને કોઇ આવા રિપોર્ટ નોંધાયા ન હોવાનું કહેે છે. પરંતુ લોકોમાં ભારે ભય છે. પોલીસે લોકોને નહી ગભરાવા અને અફવાથી બચવા કહયું છે. સોશ્યલ મીડીયા ઉપર અનેક લોકોએ ધડાકા અંગે લખ્યું છે. access_time 11:27 am IST

  • રાફેલ મામલો :સુપ્રીમ કોર્ટે કહ્યું પહેલા કેન્દ્ર સરકારની આપત્તિઓ પર નિર્ણય લેવાશે :પીઠે કહ્યું કે કેન્દ્ર દ્વારા ઉઠાવેલ પ્રારંભિક વાંધા પર ફેંસલોઃ કર્યા બાદ મામલાના તથ્યો પર વિચારણા કરાશે access_time 1:30 am IST

  • શીલા દીક્ષિતે કહ્યું મારી ટિપ્પણીને તોડીમરોડીને રજુ કરાઈ :દિલ્હીના પૂર્વ મુખ્યમંત્રી શીલા દીક્ષિતે આતંકી અંગે મનમોહનસિંહ અને મોદીની તુલના કરતુ નિવેદન આપ્યું હતું :શીલા દીક્ષિતે કહ્યું કે હું જોઈ રહી છું કે મીડિયાનો એક હિસ્સો ઇન્ટરવ્યૂમાં કરાયેલ મારી ટિપ્પણી તોડી મરોડીને રજુ કરાઈ રહી છે access_time 1:29 am IST