Gujarati News

Gujarati News

News of Wednesday, 14th February 2018

બનાસકાંઠામાં ભાજપમાં ભડકો, પૂર્વ જીલ્લા પંચાયત પ્રમુખ રાજેન્દ્ર જોશી કોંગ્રેસમાં જોડાયા

બનાસકાંઠાઃ બનાસકાંઠાના ભાજપના આગેવાન અને જીલ્લા પંચાયતના પૂર્વ પ્રમુખ રાજેન્‍દ્ર જોશી કોંગ્રેસમાં જોડાતા ભારે ખળભળાટ મચી ગયો છે.

પ્રાપ્ત માહિતી મુજબ ગુજરાત વિધાનસભાની ચુંટણી બાદ રાજ્યમાં ભાજપના ઘટતા જનાધારને પગલે લોકો કોંગ્રેસ તરફ આગળ વધી રહ્યા છે. જેના પગલે બનાસકાંઠા જીલ્લા પંચાયતની ચુંટણી પૂર્વે જ ભાજપમાં ભંગાણ સર્જાયું છે .જેમાં જીલ્લા પંચાયતના પૂર્વપ્રમુખ રાજેન્દ્ર જોશી કોંગ્રેસમાં જોડાયા છે.

ઉલ્લેખનીય છે કે રાજેન્દ્ર જોશી આ પૂર્વે કોંગ્રેસ છોડીને ભાજપમાં જોડાયા હતા. જે આજે ફરી એક વાર કોંગ્રેસમાં જોડાયા છે. રાજેન્દ્ર જોશી બનાસકાંઠા જીલ્લાની સમગ્ર ટીમ સાથે કોંગ્રેસમાં જોડાયા છે. જિલ્લા પંચાયતના પૂર્વ પ્રમુખ જિલ્લા પંચાયતની ચૂંટણી પહેલા કોંગ્રેસમાં જોડાતા ભાજપને ઝટકો લાગ્યો છે.

(7:57 pm IST)
  • કચ્છનાં મુંદ્રા પોર્ટ પરથી ફરી કિંમતી સિગારેટની દાણચોરી કરી મોટ જથ્થો ધુસાડવાનો પ્રયાસ DRIએ નાકામ બનાવ્યો છે. DRI દ્રારા 14 લાખ 40 હજાર સિગારેટનો માતબર જથ્થો ઝડપવામાં આવ્યો છે જેની બજાર કિંમત 1 કરોડ 44 લાખ કરતા પણ વઘુ આંકવામાં આવે છે access_time 9:29 am IST

  • નોબેલ શાંતિ પારિતોષિક વિજેતા મલાલા યુસુફઝાઈએ સ્ત્રીઓનાં માસિક ચક્ર વખતે સ્વચ્છતા જાળવવાની સાથોસાથ એવી સ્ત્રીઓની અવગણના ન કરવાનો સંદેશ આપતી બોલીવૂડની ફિલ્મ ‘પેડ મેન'ની પ્રશંસા કરી છે. હવે ‘પેડ મેન'નાં નિર્માતાઓ મલાલા માટે સ્પેશિયલ શો યોજવાની તૈયારીમાં છે, એવું ફિલ્મના દિગ્દર્શક આર. બાલ્કીએ જણાવ્યું હતું. access_time 11:57 pm IST

  • સ્વચ્છ ભારત મિશન ઉપર કલંક લગાવતા ભાજપના પ્રધાન : ''સ્વચ્છ ભારત'' મિશન ઉપર કલંક લગાવતા રાજસ્થાનના હેલ્થ મિનિસ્ટર કાલીચરણ સરાફ : રોડ ઉપર ખુલ્લામાં લઘુશંકા કરી : કોંગ્રેસે માફી માંગવાનું કહેતા ના પાડી દીધીઃ માથે જાતા એમ કહ્યુ કે પોલીસ ૨૦૦ રૂપિયા દંડ લઈ લ્યે બીજુ શું? આ કયાં કોઈ મોટો મુદ્દો છે? access_time 4:59 pm IST