Gujarati News

ગાંધીનગરઃ રાજ્યના મુખ્યમંત્રી વિજયભાઈ  રૂપાણી દ્વારા  અમદાવાદ શહેરની 5 અને રાજકોટ શહેરની 2 ટીપી સ્કીમને મંજૂરી અપાઈ છે અમદાવાદમાં 5 ટ્રાફ્ટ અને 2 ફાઈનલ ટીપી સ્કીમને મંજુરી અપાઈ છે, જ્યારે રાજકોટ શહેરની એક પ્રારંભિક અને એક ફાઈનલ ટીપી સ્કીમને મંજૂરી અપાઈ છે. આ ડ્રાફ્ટ સ્કીમ મંજૂર થવાને કારણે સંબંધિત વિસ્તારોમાં રસ્તાઓના નિર્માણકાર્યની સાથે જ આંતર-માળખાકીય સુવિધાઓમાં ઝડપી વધારો થશે. 

  અત્રે ઉલ્લેખનીય છે કે, રાજ્યના મુખ્યમંત્રી વિજયભાઈ  રૂપાણીએ છેલ્લા એક વર્ષમાં માત્ર અમદાવાદ શહેરની જ કુલ 43 ડ્રાફ્ટ ટીપી સ્કીમને મંજૂરી આપી હતી. જેના કારણે શહેરના 3000 હેક્ટરથી પણ વધુ વિસ્તારમાં શહેરી આયોજનને એક માળખાકીય ઓપ મળ્યો હતો. આ સાથે જ મુખ્યમંત્રી રૂપાણીએ TPO/CTP વિભાગને બાકી રહેતી TP પણ તાત્કાલિક રીતે પૂર્ણ થાય અને શહેરના વિકાસમાં TPનો વિલંબ બાધારૂપ ન બને તેવા દિશા-નિર્દેશ આપ્યા હતા. 

  અમદાવાદની મંજૂર થયેલી ટીપી સ્કીમમાં (1) 454(હંસપુરા), (2) 505 (કઠવાડા), (3) 243 (રણાસણ-મુઠીયા-ચિલોડા), (4) 416/A (વસ્ત્રાલ), (5) 117 (કઠવાડા) જયારે રાજકોટની મંજૂર થયેલી ટીપી સ્કીમ 
(1) TP 20 ( નાના મવા), (2) TP 10 (નાના મવા-ફાઈનલ)નો સમાવેશ થાય છે