Gujarati News

Gujarati News

News of Wednesday, 14th August 2019

માતાની હત્યા પિતાએ કર્યાનું ખુલતા નાનકડુ બાળક નોધારૂ બન્યુ : પોલીસે જવાબદારી ઉઠાવી આશરો આપ્યો

નાના-નાની ફોઈ અત્યંત ગરીબ હોવાથી લાચાર બન્યા

વડોદરા : ૧ગાજરાવાડીના આઠ વર્ષના માસૂમ બાળકને એસીપી ઇ-ડિવિઝન એસ.જી. પાટિલની ઓફિસમાં ૨ દિવસથી આશરો અપાયો છે. આ બાળકની માતાની હત્યા થઇ છે અને દોઢ વર્ષે હત્યા પિતાએ જ કરી હોવાનો ઘટસ્ફોટ થતાં પોલીસે પિતાની ધરપકડ કરી છે. નોંધારા બનેલા બાળકને રાખવા ગરીબ ફોઇએ સાફ ઇન્કાર કરી દીધો. જયારે મહેસાણાના ચાણસ્મા ખાતે રહેતાં નાના-નાની દોહિત્રને રાખવા આર્થિક રીતે સક્ષમ નથી એટલે બાળકના ઉછેરની જવાબદારી પોલીસે ઉપાડી લીધી છે.

વડોદરા એસીપીની ઓફિસની સામે જ બાળકને રૂમ ફાળવી દેવાયો છે. તેને પલંગ અને ગાદલાથી સજ્જ કરી દેવાયો છે. બાળકને રમવા પોલીસ કર્મચારીઓના રૂમ મેદાનની ગરજ સારી રહ્યા છે. મહિલા પોલીસ કર્મી નોટ-ચોપડા લઇ તેનું ટ્યુશન લઇ રહ્યાં છે, જયારે અન્ય ખાખીધારીઓ બાળક સાથે રમત સાથે પલાખાં પણ કરી રહ્યા છે

માતાની હત્યામાં પિતાને જેલ થશે તેવી વાત સાંભળી ડૂમો ભરાયેલું બાળક ખાખીધારીઓ વચ્ચે ડર કે ગભરાટ વગર ધીરે ધીરે પરિવારની જેમ ભળી રહ્યું છે. બાળકને જમવા માટે સવાર-સાંજ ટિફિનની વ્યવસ્થા કરી દેવાઇ છે. એક પોલીસ કર્મી આજે મંગળવારથી બાળકને સ્કૂલે લેવા-મૂકવા પણ જશે. ૧૦-૧૫ દિવસની કામચલાઉ વ્યવસ્થા બાદ બાળકને સુવિધા યુકત હોસ્ટેલમાં મૂકાશે. તેનો ખર્ચ પણ પોલીસ અધિકારી જ ઉઠાવશે. માતાની હત્યામાં પિતાની પોલીસે ધરપકડ કરતા નોંધારા બનેલા બાળકને પોલીસે આશરો આપ્યો છે. બાળકને મહિલા પોલીસ કર્મી ટયૂશન કરાવે છે.

(3:30 pm IST)
  • પશ્ચિમ બંગાળમાં દુર્ગા પૂજા સમિતિઓને આવકવેરા વિભાગે નોટિસો ફટકારી ;તૃણમૂલ કોંગ્રેસે ધરણા શરુ કર્યા ;દુર્ગા પૂજા સમિતિઓને નોટિસ મોકલવાના વિરોધમાં તૃણમૂલ કોંગ્રેસ દ્વારા મધ્ય કોલકાતામાં આઠ કલાકના ધરણા access_time 1:10 am IST

  • હિમાચલ પ્રદેશના ભૂતપૂર્વ પ્રધાન અનિલ શર્માને ભાજપમાંથી તગેડી મૂક્યા access_time 12:04 am IST

  • અયોધ્યા કેસ મુદે સુપ્રિમમા સુનાવણી ચાલુ : બાબરના આદેશથી રામમંદિર તોડી પડાયાના પુરાવા છે? સુપ્રિમનો સવાલ : ૫ ઓગષ્ટથી શરૂ થયેલી આ સુનાવણીનો આજે ૬ઠો દિવસ છેઃ ગઇકાલની સુનાવણીમાં રામલલ્લા પક્ષના વકીલે તેમની દલીલો રાખી આજે પણ તેઓ જ તેમની વાત પર આગળ વધી રહયા છેઃ આ દરમિયાન કોર્ટે એકવાર ફરી રામલલ્લા પક્ષ પાસેથી જન્મભૂમિ પર કબ્જાના પુરાવા માંગ્યા હતા access_time 1:13 pm IST