Gujarati News

Gujarati News

News of Friday, 14th May 2021

સુરત: પરણિત બહેનના પતિ સહીત સાસરિયા પર જીવલેણ હુમલો કરી ઇજા પહોંચાડનાર આરોપીની ઝડપવા પોલીસે તજવીજ હાથ ધરી

સુરત:શહેરમાંપરણીત બહેનના પતિ સાસરીયા પર જીવલેણ હુમલો કરી ઈજા પહોંચાડવાના ગુનાઈત કારસામાં અમરોલી પોલીસની ધરપકડથી બચવા આરોપીએ કરેલી માંગને કોર્ટ નકારે તેવી દહેશતથી આરોપીએ જામીન અરજી કોઈપણ જાતના ગુણદોષમાં ઉતર્યા વિના પરત ખેંચી લીધી છે.
 

મધ્યપ્રદેશના રતલામ જિલ્લાના વતની ફરિયાદી અજય બીશન બગાડા (રે.રામદર્શન સોસાયટી, ભરથાણા કોસાડ)ના મોટાભાઈ રાજેશના લગ્ન રીનાબેન સાથે થયા હતા. પરંતુ બંને વચ્ચે કાયદેસરના છુટાછેડા થયા હોવા છતાં ફરિયાદીના ભાઈ રાજેશે અન્ય સ્ત્રીને ઘરમાં પત્ની તરીકે રાખી હતી. જેની અદાવત રાખીને તા.23-4-21 ના રોજ આરોપી રતન માંગીલાલ દાયમા, રીનાબેન દાયમા, ધાપુબેન મુન્નાભાઈ, અર્જુન, ચિન્ટુ, રાકેશ મુન્નાભાઈ દાયમાં (રે.રામનગર ભરથાણા) ભેગા મળી ચપ્પુ, લાકડાના ફટકા વડે ફરિયાદીના ગળા પર ચપ્પુ વડે ઈજા પહોંચાડી હતી. ત્યારબાદ આરોપીઓએ ફરિયાદીના ભાઈ રોહિત તથા માતા શાંતિબેન બગાડા પર જીવલેણ હુમલો કરી ઈજા પહોંચાડતા હાલમાં હોસ્પિટલમાં સારવાર માટે ખસેડયા છે.

કેસમાં અમરોલી પોલીસ પોતાની ધરપકડ કરે તેવી દહેશતથી આરોપી ચિન્ટુ મુન્નાભાઈ દાયમાએ આગોતરા જામીન માટે માંગ કરી હતી. જેના વિરોધમાં સરકારપક્ષે એપીપી કિશોર રેવાલીયાએ તપાસ અધિકારીની એફીડેવિટ રજુ કરી હતી. અલબત્ત આરોપીની આગોતરા જામીનની ગુણદોષ પર સુનાવણી થાય તે પહેલાં કોર્ટ જામીન નકારે તેવી દહેશતથી આરોપીએ પોતાની જામીન અરજી પરત ખેંચી લીધી હતી.

(4:45 pm IST)
  • ચંદીગઢ પોલીસે અધધધ 100 કરોડ રૂપિયાનું 10 કિલો કોકેઇન (ડ્રગ્સ) કબજે કર્યું છે અને કુરિયર દ્વારા આ ડ્રગ્સ ઓસ્ટ્રેલિયા મોકલવાનો પ્રયાસ કરી રહેલા એક વ્યક્તિની ધરપકડ કરી છે. access_time 11:26 pm IST

  • કાઠમંડુ : કે.પી.શર્મા ઓલી ફરી એકવાર નેપાળના વડાપ્રધાન બન્યા છે. નેપાળના રાષ્ટ્રપતિ સુ. શ્રી વિદ્યા ભંડારીએ નેપાળના બંધારણ હેઠળ સૌથી મોટા પક્ષના નેતા હોવાના કારણે ઓલીને વડાપ્રધાન તરીકે નિયુક્ત કર્યા છે. નેપાળની સંસદમાં વિશ્વાસનો મત ગુમાવ્યા બાદ રાષ્ટ્રપતિએ ગઠબંધન સરકાર બનાવવા માટે ત્રણ દિવસનો સમય આપ્યો હતો, જે આજે પૂરો થયો છે. પરંતુ નેપાળના વિરોધી પક્ષો દ્વારા તમામ પ્રયાસો છતાં બહુમતી મેળવવામાં તેઓ નિષ્ફળ રહ્યા હતા અને સત્તાનું સુકાન ફરી એકવાર કે.પી.શર્મા ઓલીના હાથમા આવી ગયું. access_time 11:11 pm IST

  • પોરબંદરમાં આજે 20 મૃતદેહને અગ્‍નીસંસ્‍કાર કરાયો હતો હોવાનું જાણવા મળે છે access_time 10:03 pm IST