Gujarati News

Gujarati News

News of Wednesday, 14th April 2021

ગુજરાત ભાજપના વધુ એક દિગ્ગજ નેતા કોરોનાની ઝપટે : પ્રદેશ યુવા મોરચાના પ્રમુખ પ્રશાંત કોરાટ કોરોના સંક્રમિત

ડોક્ટરની સલાહ મુજબ હોમ ક્વોરેન્ટાઈન થઈ સારવાર શરૂ કરી: છેલ્લા પાંચ દિવસમાં સંપર્કમાં આવેલા તમામ કાર્યકર્તાઓને કોવીડ ટેસ્ટ કરાવવા અપીલ

રાજકોટઃ ગુજરાતમાં કોરોનાએ હાહાકાર મચાવ્યો છે, ત્યારે ભાજપ અને કોંગ્રેસના નેતાઓ પણ કોરોનાની ચપેટમાં આવી રહ્યા છે. હવે ભાજપના વધુ એક દિગ્ગજ નેતા કોરોનાની ઝપટે આવી ગયા છે. પ્રદેશ યુવા મોરચાના પ્રમુખ પ્રશાંત કોરાટ કોરોનાથી સંક્રમિત થયા છે.

પ્રશાંત કોરાટે જાતે સોશિયલ મીડિયા પર આ અંગે જાણકારી આપી છે. નોંધનીય છે કે, મોરવાહડફની ચૂંટણીમાં પ્રચારમાં પ્રદેશ યુવા ભાજપ પ્રમુખ પ્રશાંત કોરાટ ઉતર્યા હતા. તેમણે સોશિયલ મીડિયા પર માહિતી આપી છે કે, કોવીડના શરૂઆતના લક્ષણો જણાતા આજે મેં રેપિડ ટેસ્ટ કરાવ્યો, જે પોઝિટિવ આવતા હું આજે ડોક્ટરની સલાહ મુજબ હોમ ક્વોરેન્ટાઈન થઈ સારવાર શરૂ કરેલ છે. છેલ્લા પાંચ દિવસમાં મારા સંપર્કમાં આવેલા તમામ કાર્યકર્તાઓ પોતાનો કોવીડ ટેસ્ટ કરાવવા નમ્ર વિનંતી છે.

(11:04 am IST)
  • પટણા એઈમ્સ હોસ્પિટલમાં આઈ.એ.એસ.અધિકારીને પ્રવેશ મળી શકે છે તો નિવૃત ફૉજીને કેમ નહીં ? : પટણામાં કોરોનાથી પીડિત નિવૃત્ત સૈન્ય અધિકારીનું એમ્બ્યુલન્સમાં મોત : નેશનલ મેડિકલ કોલેજ હોસ્પિટલમાં આરોગ્ય મંત્રી આવી રહ્યા છે તેવું બહાનું કાઢ્યું : પટણા એઇમ્સે ભરતી કરવાનો ઇનકાર કર્યો : નિવૃત ફૌજીના મોતે આરોગ્ય તંત્ર સામે સવાલો ઉભા કરી દીધા access_time 8:59 pm IST

  • જામનગર કલેકટરની લોકોને ગંભીર અપીલ : લોકો મહેરબાની કરીને કોરોનાનો પ્રોટોકોલ અનુસરે, અન્યથા કોરોનાની ટ્રીટમેન્ટ નહિ થઈ શકે : હોસ્પિટલના ડોકટરોએ છેલ્લા 8 - 9 દિવસથી આરામ પણ નથી કર્યો : કોવિડ હોસ્પિટલની હાલત પણ ખૂબ ગંભીર બની છે access_time 11:57 pm IST

  • રાજકોટ કોમોડિટી એક્સચેન્જના CEO શ્રી પી.બી. પાઠકનું દુઃખદ અવસાન : કોરોના સામે જંગ હારી ગયા : રાજકોટનું વધુ એક રત્ન કોરોનાએ છીનવી લીધું access_time 11:20 pm IST