Gujarati News

મહેસાણા: શહેરમાં યાત્રાધામ બહુચરાજી ખાતે ચૈત્રી પૂનમ અને ચૈત્રી નવરાત્રીની ખૂબ જ ધામધૂમથી ઉજવવામાં આવે છે. આસો નવરાત્રીમાં અંબાજી ખાતે જ્યારે ચૈત્રી નવરાત્રીમાં બહુચરાજીમાં શાસ્ત્રોક્તવિધી પ્રમાણે નવ દિવસ સુધી ઘટસ્થાપન, ચંડીયજ્ઞા તથા નૈવેદ્ય ધરાવાય છે. જેમાં આજુબાજુની જનતા મોટી સંખ્યામાં દર્શનાર્થે ઉમટે છે. આ મામલે મંદિરના વહિવટદાર દ્વારા તડામાર તૈયારીઓ આરંભી છે.

બેચરાજી ખાતે બહુચરાજી માતાના ધામે યોજાનાર ચૈત્રી નવરાત્રી મહોત્સવ-૨૦૨૦ સાથે પરંપરાગત લોકમેળો તા.૬ એપ્રિલથી ૮ એપ્રિલ ૨૦૨૦ દરમિયાન યોજાનાર છે. બહુચરાજી મંદિરમાં સંવત ૨૦૭૬ના ચૈત્રી નવરાત્રી મહોત્સવ ૨૦૨૦ દરમિયાન મંદિર પ્રક્ષાલન વિધિ ફાગણ વદ-૩૦ અમાસના દિવસે યોજાશે.  તા.૨૪ માર્ચ ૨૦૨૦ના મંગળવારે બપોરે ૧-૩૦ કલાકે ઘટ સ્થાપન વિધિ ચૈત્ર સુદ-૧ કરવામાં આવશે.  તા.૨૫ માર્ચ ૨૦૨૦ના બુધવારે સવારે ૭-૩૦ કલાકે શતચંડી યજ્ઞાનો પ્રારંભ થશે. ચૈત્ર સુદ-૬ તા.૩૦ માર્ચ ૨૦૨૦ના સવારે ૧૦ કલાકે શત ચંડી યજ્ઞા પૂર્ણાહૂતિ ચૈત્ર સુદ-૮  તા.૧ એપ્રિલ ૨૦૨૦ના રોજ સાંજે ૪-૩૦ કલાકે શ્રી માતાજીની આઠમની સવારી તથા પલ્લી ખંડ નૈવેદ્ય ચૈત્ર સુદ-૮ (આઠમ)ને તા.૧ એપ્રિલ ૨૦૨૦ના રાત્રે ૯-૩૦ કલાકે શ્રી માતાજીની સવારીની જ મંદિરથી પ્રસ્થાન કરશે. તથા રાત્રે ૧૨ કલાકે શ્રી માતાજીની પલ્લી નૈવેદ્ય ધરાવાશે. નવરાત્રી ઉત્થાપન વિધિ ચૈત્ર સુદ-૧૦ (દશમ) તા.૩ એપ્રિલે નવરાત્રી પૂર્ણાહૂતિ થશે.