Gujarati News

ઠાસરા : ઠાસરા નજીક વાણાક બોરી નજીકથી પસાર થતી મહી કેનાલમાં સવારે ત્રણ અજાણ્યા મૃતદેહ જોવા મળતા લોકોના ટોળે ટોળા એકઠા થયા હતા જોકે સ્થળ પર કોઈ તરવૈયા કે પોલીસકર્મી હાજર ન હોવાથી આ મૃતદેહ ઉમરેઠ તરફ કેનાલના પાણીમાં તણાયા હતા.

   નજરે જોનારાના કહેવા મુજબબ કે સવારે ૧૧ કલાકે આ ત્રણેય મૃતદેહ કેનાલમાં છુટા છવાયા જોવા મળ્યા હતા. તેમજ તેમના પગ દોરડાથી બંધાયેલ હોવાનુ જોવા મળ્યુ હતું. મૃતદેહો વિકૃત હાલતમાં હતા, આ અંગે સ્થાનિક લોકોએ પોલીસને જાણ કરવા છતા કોઈ પોલીસકર્મી ત્યાં પહોંચ્યો નહતો. જેથી આ મૃતદેહો કેનાલમાં આગળ તણાઈ ગયા હતા. ત્યારે હવે આ મૃતદેહ કોના હતા તે પ્રશ્ન હાલ ઉભો થયો છે. કોઈએ આત્મહત્યા કરી કે પછી હત્યા કરી મૃતદેહ ફેંકી દેવાયા તે રહસ્ય અકબંધ છે.