Gujarati News

Gujarati News

News of Wednesday, 13th January 2021

રાજપીપળા કોવિડ સેન્ટર સહિત નર્મદા જિલ્લામાં ત્રણ સ્થળો પર કોરોના વેકસીન માટેની તમામ તૈયારીઓ પૂર્ણ

રાજપીપળાના કોવિડ સેન્ટર ખાતે,તિલકવાડા સી એચ સી સેન્ટર ખાતે અને રાજપીપળા અર્બન સેન્ટર ખાતે મળી 3 સ્થળો પર વેકસીન અપાશે :પ્રથમ તબક્કામાં આરોગ્ય કર્મીઓ, બીજા તબક્કામાં પોલીસ વિભાગ તથા અન્ય 17 વિભાગો જ્યારે ત્રીજા તબક્કામાં 50 વર્ષથી ઉપરના લોકો અને ચોથા તબક્કામાં 50 વર્ષથી નીચેના લોકોને વેકશીન અપાશે.

(ભરત શાહ દ્વારા) રાજપીપળા : સમગ્ર ગુજરાતમાં 16 જાન્યુઆરીના રોજ કોરોના વેકશીનનું પ્રધાનમંત્રી મોદી દ્વારા વર્ચ્યુલ ઉદ્ઘાટન કરવામાં આવશે. જેમાં કોરોના વેકસીનને લઈ કેન્દ્ર સરકાર અને રાજ્ય સરકારની ગાઈડલાઈન મુજબ નર્મદા જિલ્લામાં તમામ તૈયારીઓ પૂર્ણ કરી દેવામાં આવી છે.
             નર્મદા જિલ્લામાં 1 લાખ 20 હજાર લોકોને કોરોના વેકસીન આપવામાં આવશે.અત્યારસુધી જિલ્લામાં 62 જેટલા ડ્રાય રન કરી દેવામાં આવ્યા છે.જિલ્લાના 3 સ્થળ પર કોરોના વેકસીન આપવામાં આવશે.જેમાં રાજપીપળાના  કોવિડ સેન્ટર ખાતે,તિલકવાડા સી એચ સી સેન્ટર ખાતે અને રાજપીપળા અર્બન સેન્ટર ખાતે મળી 3 સ્થળો પર વેકસીન આપવામાં આવશે. જેમાં પ્રથમ તબક્કામાં આરોગ્ય કર્મીઓ,બીજા તબક્કા માં પોલીસ વિભાગ તથા અન્ય 17 વિભાગો જ્યારે ત્રીજા તબક્કામાં 50 વર્ષથી ઉપરના લોકો માટે અને ચોથા તબક્કામાં 50 વર્ષ થી નીચેની વયના લોકોને વેકશીન આપવામાં આવશે.તેમ નર્મદા જિલ્લા આરોગ્ય અધિકારી કે.પી.પટેલ દ્વારા જાણવા મળ્યું છે.

(11:50 pm IST)
  • વર્લ્ડ હેલ્થ ઓર્ગેનાઈઝેશન ( WHO ) એ એક જ મહિનામાં સતત ત્રીજી વખત ભારતનો ખોટો નકશો દેખાડ્યો : જમ્મુ ,કાશ્મીર ,તથા લડાખને અલગ બતાવ્યા : ભારત સરકારે ત્રીજી વખત ચેતવણી આપી : ખોટો નકશો પ્રદર્શિત કરવો તે બાબત ગેરકાનૂની તથા જેલ સજાને પાત્ર access_time 2:02 pm IST

  • આ તસવીર અમેરિકાના સંસદ ભવનની છે. દુનિયામાં સૌથી જૂની લોકશાહીનું જે મંદિર ગણાય છે. ૨૦૦ વર્ષમાં જે નહોતું બન્યું, અમેરિકા તે બધામાંથી પસાર થઈ રહ્યું છે. કેપિટલ બિલ્ડીંગ.. સંસદ ભવન આજે નેશનલ ગાર્ડના હવાલામાં છે. ૨૦ જાન્યુઆરી સુધી સૌ કોઈ આશંકિત છે.ટ્રમ્પ ઉપર કોઈને વિશ્વાસ નથી. FBIને તોફાનોની આશંકા છે. અમેરિકાની બુનિયાદ હલબલી ચૂકી છે. જાણીતા પત્રકાર બ્રજેશ મિશ્રાએ ટ્વિટર ઉપર શેર કરેલી તસવીર ખૂબ વાયરલ થઇ રહી છે access_time 1:06 am IST

  • સાબરકાંઠામાં પ્રતિબંધિત ચાઇનીઝ દોરીનું કમઠાણ, ઇડરમાં ચાઈનીઝ દોરીથી યુવકનું ગળું કપાયું, યુવકને સારવાર માટે ઇડરની હોસ્પિટલમાં ખસેડાયો access_time 4:37 pm IST