Gujarati News

(કાર્તિક બાવીશી દ્વારા )વલસાડના વાઘલધરા ગામે નળિયાવાળું એક પાકી દિવાલનું ઘર ગત રાત્રે અચાનક તૂટી પડ્યું હતુ. આ બનાવમાં ઘરની દિવાલ નીચે દબાઇ જતાં 10 વર્ષની માસૂમ બાળકીનું ઘટના સ્થળે જ કરૂણ મોત નિપજ્યું હતુ. 

વલસાડના વાઘલધરા ગામે રહેતા ગોવિંભાઇ પટેલના પાકા મકાનની દિવાલ રાત્રી દમિયાન તૂટી પડી હતી. આ બનાવમાં 10 વર્ષની માસૂમ બાળા એની ગોવિંદભાઇ પટેલનું દિવાલ પડતાં ગંભીર ઇજા પહોંચતા મોત નિપજ્યું હતુ. જ્યારે ગોવિંદભાઇની અન્ય બે પુત્રીનો બચાવ થઇ ગયો હતો. 

 આ ઘરમાં ગોવિંદભાઇના ભાઇ ધસુખભાઇનો પણ પરિવાર રહેતો હતો. તેમની પણ 3 દિકરી હતી. તેમનો પણ આબાદ બચાવ થઇ ગયો હતો. આ બનાવ સંદર્ભે ડુંગરી પોલીસે નોંધ કરી વધુ તપાસ હાથ ધરી છે.