Gujarati News

Gujarati News

News of Friday, 13th July 2018

રાજ્યમાં ત્રણ દિવસ સુધી ભારે વરસાદની આગાહી :ઉત્તરથી લઈને દક્ષિણ ગુજરાતને મેઘરાજા ઘમરોળશે

દક્ષિણ ગુજરાત ઉપર અપર એર સાયક્લોનિક સર્ક્યુલેશન સર્જાયું :રાજસ્થાનથી બંગાળની ખાડી સુધી ચોમાસાની ધરી

અમદાવાદ ;રાજ્યમાં અનરાધાર વરસાદ વરસી રહયો છે દક્ષિણ ગુજરાતમાં ભારે વરસાદથી જનજીવન અસ્તવ્યસ્ત બન્યું છે ત્યારે  હવામાન વિભાગે આગાહી કરી છે હજુ ત્રણ દિવસ સુધી રાજ્યમાં ભારેથી અતિભારે વરસાદ વરસી શકે છે.
  ખાસ કરીને ઉત્તરથી લઇને દક્ષિણ ગુજરાતના પટ્ટામાં ભારે વરસાદની સંભાવના છે. જ્યારે સૌરાષ્ટ્રના ઘણા ભાગોમાં મધ્યમથી ભારે વરસાદ વરસી શકે છે. ખાસ કરીને દક્ષિણ ગુજરાતના વિસ્તારો તેમજ સૌરાષ્ટ્રના દરિયાકાંઠાને અડીને આવેલા જિલ્લાઓમાં સારો વરસાદ વરસી શકે છે.
  હાલમાં દક્ષિણ ગુજરાત ઉપર એક અપર એર સાયકલોનિક સર્ક્યુલેશન સર્જાયેલું છે. આ ઉપરાંત ગુજરાતની ઉપર રાજસ્થાનથી લઇને બંગાળની ખાડી સુધી ચોમાસાની ધરી પસાર થઇ રહી છે. જેના કારણે રાજ્યમાં ચોમાસુ માહોલ જામ્યો છે.

(7:52 pm IST)
  • પાલીતાણામાં આવેલ શત્રુંજી ડેમની સપાટી આજ બપોર સુધીમાં 15 ફુટે પહોંચી હતી અને અમરેલી પંથકમાં સારા વરસાદના કારણે ડેમમાં પાણીની આવક હજુ પણ ચાલુ જ છે. આ ડેમ પાલીતાણા અને ભાવનગર શહેરમા પીવાના પાણી માટે તેમજ તળાજા પંથકમાં સિંચાઈ માટે જીવાદોરી સમાન ગણાય છે. access_time 5:54 pm IST

  • ભારતના કુલદિપ સામે ફિરંગીઓ ધ્વંસ: કુલદિપ યાદવે 25 રન આપી 6 વિકેટ ઝડપી - વન-ડે ક્રિકેટ ઇતિહાસમાં આ કોઇ પણ લેફ્ટ હેન્ડ બોલરનું સર્વશ્રેષ્ઠ પ્રદર્શન access_time 11:03 pm IST

  • પેથોલોજી લેબના રિપોર્ટમાં M.D.ની સહી અનિવાર્ય : ગુજરાત એસોસિએશન ઓફ પેથોલોજિસ્ટ એન્ડ માઈક્રો બાયોલોજીસ્ટ ના પ્રેસિડેન્ટ ડો. રાજેન્દ્ર લાલાણીની જાહેરાત : ચોક્કસ લાયકાત વાળા ડોકટરો સિવાયની પેથોલીજી લેબોરેટરી બાબતે કોર્ટનો મહત્વનો નિર્ણય : કોર્ટ દ્વારા આવી લેબોરેટરીના સંચાલકોએ કરેલી રીવ્યુ પિટિશન ફગાવી દેવામાં આવી : સુપ્રીમ કોર્ટે આ પૂર્વે 12-12-17ના રોજ ગેરકાયદે પેથોલોજી લેબ બાબતે આપ્યો હતો ઐતિહાસિક ચુકાદો : ચુકાદામાં કોર્ટે કરેલા નિર્દેશ મુજબ પેથોલોજી લેબના રિપોર્ટમાં M.D.ની સહી અનિવાર્ય : લેબ ધારકોની કોર્ટમાં પડકારતી રીવ્યુ પિટિશન ફગાવી દેવાતા એમ ડી પેથોલોજી વિનાની લેબોરેટરી કરવી પડશે બંધ access_time 1:27 am IST