Gujarati News

Gujarati News

News of Thursday, 13th June 2019

અમદાવાદ શહેર હળવા વરસાદના ઝાપટા પડ્યા

રાણીપ, ચાંદખેડા, સાબરમતીમાં વર્ષા

અમદાવાદ, તા. ૧૨ : અમદવાદ શહેરના જુદા જુદા ભાગોમાં પણ મોડી સાંજે હળવો વરસાદ થયો હતો. સવારથી જ હવામાનમાં પલટો આવ્યો હતો અને વાદળછાયુ વાતાવરણ રહ્યું હતું. આજે મોડી સાંજે અમદાવાદ શહેરના રાણીપ, સાબરમતી, ગોતા, ચાંદખેડા, એસજી હાઈવે સહિતના વિસ્તારોમાં હળવો વરસાદ થયો હતો. દિવસ દરમિયાન ભારે ઉકળાટની સ્થિતિ રહી હતી. વહેલી સવારે પણ વરસાદી છાંટા પડ્યા હતા. એકાએક હવામાનમાં બદલાયેલી સ્થિતિ વચ્ચે આજે અમદાવાદમા પારો ૪૨.૭ ડિગ્રી રહ્યો હતો.

રાજ્યના અન્ય ભાગોમાં પણ ગરમીના પ્રમાણમાં આંશિક ઘટાડો થયો છે. જો કે, ભારે ઉકળાટના કારણે લોકો પરેશાન દેખાયા હતા. અમદાવાદ અને ગાંધીનગર માટે પણ ચેતવણી જારી કરવામાં આવી છે. ગાજવીજ સાથે અમદાવાદમાં વરસાદી માહોલ અકબંધ રહી શકે છે.

 

(9:03 pm IST)
  • કલકતાની હોસ્પિટલમાં ડોકટર ઉપર હિચકારો હુમલો : ઘેરા પ્રત્યાઘાત : આવતીકાલે દેશભરમાં આઈએમએ દ્વારા કાળી પટ્ટી ધારણ કરી કલેકટરને આવેદનપત્ર પાઠવશે access_time 3:19 pm IST

  • ભરૂચમાં દરિયા કિનારેથી તંત્ર દ્રારા હાઇ એલર્ટનું સિગ્નલ હટાવી લેવાયુ : ભરૂચ બંદર પરથી હાઇ અલર્ટનું સિગ્નલ હટાવી લેવાતા લોકોએ રાહતનો શ્વાસ લીધો: વાયુ વાવાઝોડાને કારણે ભરૂચ દરિયાનાં કિનારે વસતા 40 ગામોનાં લોકોને સાવધ કરાયા હતા. access_time 1:26 am IST

  • વાવાઝોડુ સીધુ નહિં ટકરાય તો પણ સાવધ રહેવું પડશે : સૌરાષ્ટ્રમાં ૧૦ ઈંચ જેટલો વરસાદ ખાબકી શકે : પંકજકુમાર : મહેસુલ વિભાગના મહાસચિવ શ્રી પંકજકુમારે આજે સવારે ૧૧ વાગ્યે પત્રકારો સાથેની વાતચીતમાં જણાવ્યુ હતું કે આજે બપોરે વાવાઝોડુ સૌરાષ્ટ્ર તરફથી પસાર થશે. 'વાયુ' વાવાઝોડાએ દિશા બદલી છે પણ હળવાશથી લેવાની જરૂર નથી. દરિયાકાંઠાના વિસ્તારોમાં તંત્ર સજ્જ છે. સુરક્ષાને ધ્યાનમાં રાખી ૩૮૩ એમ્બ્યુલન્સ રાખવામાં આવી. રાજકોટથી ૧ લાખ ફૂડપેકેટ ગીર સોમનાથમાં મોકલવામાં આવ્યા. ૪૮ કલાકમાં ૧૦ ઈંચથી વધુ વરસાદ પડી શકે. એનડીઆરએફ, એસડીઆરએફ, એસજીપી અને આર્મીની ટીમ ખડેપગે છે. access_time 12:52 pm IST