Gujarati News

Gujarati News

News of Thursday, 13th May 2021

સુંદર પહેલ:વલસાડ જિલ્લા પોલીસના ફેસબુક પેજ ઉપર લાઇવ સંગીત મનોરંજન કાર્યક્રમનું આયોજન કરાયું

જાહેર જનતાને આ કાર્યક્રમને નિહાળવા વલસાડ જિલ્લા પોલીસ અધિક્ષક ડૉ. રાજદીપસિંહ ઝાલા દ્વારા અનુરોધ :જિલ્લા પોલીસ ની સોશિયલ મીડિયા પર પ્રશંસા

(કાર્તિક બાવીશી દ્વારા ) વલસાડ : હાલ કોરોના વાયરસ (કોવિડ-૧૯) જેને વર્લ્‍ડ હેલ્‍થ ઓર્ગેનાઇઝેશન દ્વારા વૈશ્વિક માહમારી જાહેર કરવામાં આવી છે અને ભારત દેશમાં તેમજ ગુજરાત રાજ્‍યમાં આ રોગના ઘણાં કેસો નોંધાયેલાં છે. આ વૈશ્વિક મહામારીને નિયંત્રણ લેવા સરકાર દ્વારા વલસાડ શહેર તથા વાપી શહેર વિસ્‍તારમાં રાત્રિ કરફયુ અમલમાં મુકી સમગ્ર સમય દરમિયાન આમ જનતાને જાહેરમાં યોગ્‍ય કારણ વગર હરવા ફરવા પર પ્રતિબંધ ફરમાવાયો છે.

સંગીત થેરાપી દ્વારા ગંભીર પ્રકારના રોગોમાં દર્દીઓની બિમારીમાં ઘણો સુધારો થતો હોવાનું વૈશ્વિક સ્‍તરે પણ માનવામાં આવ્‍યું છે. આ પરિસ્‍થિતિમાં વલસાડ જિલ્લાની હોસ્‍પિટલોમાં સારવાર લેતા કોવિડ-૧૯ સંક્રમિત દર્દીઓ તથા આમ જનતાનું મન પ્રફુલ્લિત રહે અને મનોબળ મજબુત થાય તેમજ સમાજમાં ફેલાતી કોરોના વાયરસની મહામારી અંગે હતાશા ન રહે અને ચિંતામુક્‍ત વાતાવરણ ઊભું થાય તે જરૂરી છે. આ હેતુસર વલસાડ જિલ્લા પોલીસ સુરક્ષા સેતુ ઉપક્રમે કોવિડ-૧૯ સંક્રમિત દર્દીઓ તથા આમ જનતાને સંગીત મનોરંજન પુરું પાડી શકાય તે માટે વલસાડ જિલ્લા પોલીસના ફેસબુક પેજ ઉપર લિંક દ્વારા તા.૧૩/૦૫/૨૦૨૧ ના ૧૮:૦૦ કલાકથી ૨૧:૦૦ કલાક સુધી લાઇવ સંગીત મનોરંજન કાર્યક્રમનું આયોજન કરવામાં આવ્‍યું છે. આ આયોજન બાબતે કોવિડ સેન્‍ટરો, હોસ્‍પિટલો તથા જાહેર જનતાને આ કાર્યક્રમને નિહાળવા વલસાડ જિલ્લા પોલીસ અધિક્ષક ડૉ. રાજદીપસિંહ ઝાલા દ્વારા જણાવાયું છે.

(1:28 pm IST)
  • પશ્ચિમ બંગાળના હાબરા ખાતે વધુ એક ભારતીય જનતા પક્ષના કાર્યકર ઉપર હુમલો થયો છે. માતા અને પરિવારનો ચમત્કારિક બચાવ થયો હતો. મકાનમાં થયેલી ભાંગફોડ અને હેબતાઈ ગયેલ પરિવાર નજરે પડે છે. ટ્વિટર ઉપર વાયરલ થયેલ વિડિયો access_time 12:34 am IST

  • કેન્દ્ર સરકારને આડે હાથે લેતા, કોરોના રસીકરણ અંગે બોમ્બે હાઈકોર્ટે બુધવારે કહ્યું હતું કે, જો કેન્દ્ર સરકારે કેટલાક મહિના પહેલા વરિષ્ઠ નાગરિકો માટે ડોર-ટુ-ડોર રસીકરણ શરૂ કર્યું હોત, તો ઘણા જાણીતા વ્યક્તિઓ સહિત અનેક લોકોનો જીવ બચાવી શકાયો હતો. મુખ્ય ન્યાયાધીશ દિપાંકર દત્તા અને ન્યાયાધીશ જી.એસ. કુલકર્ણીની ખંડપીઠે કેન્દ્રને કહ્યું હતું કે, જ્યારે રસીકરણ કેન્દ્રોની મુલાકાત લેવામાં અસમર્થ વરિષ્ઠ નાગરિકોના જીવનનો પ્રશ્ન છે, ત્યારે ડોર-ટુ-ડોર રસીકરણ કાર્યક્રમ કેમ શરૂ કરાયો નથી? access_time 9:42 pm IST

  • કર્ણાટક હાઈકોર્ટે ગુરુવારે રાજ્યમાં કોરોના રસીની અછત અને લોકોને બીજો ડોઝ મેળવવામાં વિલંબ થતો હોવા અંગે ચિંતા વ્યક્ત કરી હતી. મુખ્ય ન્યાયાધીશ અભય ઓકા અને ન્યાયાધીશ અરવિંદ કુમારની ખંડપીઠે કહ્યું હતું કે રાજ્યમાં માત્ર 11 લાખ રસીઓ બાકી છે, જ્યારે 31 લાખ લોકો રસીના બીજા ડોઝ માટે કતારમાં ઉભા છે. હાઈકોર્ટે રસીની તીવ્ર ઉણપને ધ્યાનમાં રાખીને રાજ્ય સરકારને પ્રશ્ન કર્યો હતો કે શું રસીનો બીજો ડોઝ લેવો એ મૂળભૂત અધિકાર નથી? access_time 10:48 pm IST