Gujarati News

સુરત:લીંબાયત પોલીસની પીસીઆર વાન આજે સાંજે પેટ્રોલીંગમાં હતી ત્યારે પોલીસ કંટ્રોલ રૂમમાંથી મેસેજ મળ્યો હતો કે શ્રીનાથનગર 2 પાસે હેર કટીંગની દુકાન ચાલુ છે અને ત્યાં લોકોનું ટોળું છે. આથી પોલીસ ત્યાં પહોંચી ત્યારે ટો વન હેર કટીંગની દુકાન ચાલુ હતી અને ત્યાં છ વ્યક્તિ મળ્યા હતા. પોલીસે દુકાનદાર દિનેશ રામપ્રતાપ શર્મા ( ઉ.વ.27 ) અને વિનોદ રાઘવરામ શર્મા ( ઉ.વ.30 ) ( બંને રહે. 259, શ્રીનાથનગર 2, લીંબાયત, સુરત ) તેમજ ત્યાં આવેલા રાહુલ પપ્પુ નિગમ ( ઉ.વ.25 ) ( રહે. 144, લક્ષ્મણનગર, લીંબાયત, સુરત ), મનોજ ધોરીલાલ રાજપૂત ( ઉ.વ.22 ) ( રહે. 124, લક્ષ્મણનગર, લીંબાયત, સુરત ), અમિત અજિતકુમાર યાદવ ( ઉ.વ.19 ) ( રહે. 119, લક્ષ્મણનગર, લીંબાયત, સુરત ) અને ઇજહાર ઇસહાર અન્સારી ( ઉ.વ.21 ) ( રહે. 145, લક્ષ્મણનગર, લીંબાયત, સુરત ) ની ધરપકડ કરી હતી. તેમજ આજે સવારે 11.40 કલાકે ગોડાદરા શામળાધામ ગેટ નં.3 પાસે શામળા હેર આર્ટ નામની દુકાન ચાલુ હોય ત્યાં હાજર દેસાઈ વિષ્ણુ ઓધા ( ઉ.વ.36 ) ( રહે. 136, શામળાધામ સોસાયટી, લીમબયત, સુરત ) અને અનિલ જીવન જાદવ ( ઉ.વ.45 ) ( રહે. 102, શાંતિનગર, લીંબાયત, સુરત ) ને ઝડપી પાડી ધરપકડ કરી કાર્યવાહી હાથ ધરી હતી.