Gujarati News

Gujarati News

News of Tuesday, 13th February 2018

પ્રોવીઝનલ ફી માટે ૪૫૦ સ્કુલોની વિગતો મંગાવાઇ

વાલીઓમાં પ્રવર્તતી ગૂંચવણના ઉકેલ માટે : પ્રોવીઝનલ ફી માળખુ નક્કી કરવાના ભાગરૂપે સ્કુલોની યાદી અને તમામ વિગતો ગુજરાત સરકાર દ્વારા મંગાવાઈ

અમદાવાદ,તા. ૧૩ : ગુજરાતના સરકારના ફી નિર્ધારણ કાયદાને ગુજરાત હાઇકોર્ટની બહાલી અને સુપ્રીમકોર્ટ દ્વારા તેમાં વાલીઓના પ્રતિનિધિત્વને સમાવી નવેસરથી ફી રેગ્યુલેશન કમીટીની રચના અંગે કરાયેલા વચગાળાના આદેશ બાદ હજુ પણ શાળા સંચાલકો અને વાલીઓ વચ્ચેની તનાતની અને ઘર્ષણ ચાલુ જ રહ્યા છે. ફી માળખાને લઇ શાળા સંચાલકો અને વાલીઓ હજુ પોતપોતાના અર્થઘટન પર અડી રહ્યા છે અને તેને લઇ વિવાદ વકરી રહ્યો છે. તાજેતરમાં જ પ્રોવીઝનલ ફી ગૂંચવણના મામલે શાળા સંચાલકો અને વાલીઓ તરફથી રાજય સરકારના શિક્ષણવિભાગમાં ઉગ્ર રજૂઆત પણ કરાઇ હતી. જેને પગલે હવે સરકાર દ્વારા  પ્રોવીઝનલ ફી માળખુ નક્કી કરવાના ભાગરૂપે રાજયની આશરે ૪૫૦ જેટલી શાળાઓની યાદી અને વિગતો મંગાવવામાં આવી છે. સરકાર દ્વારા મંગાવાયેલી યાદીમાં ગુજરાત બોર્ડ ઉપરાંત, સીબીએસઇ બોર્ડ અને ઇન્ટરનેશનલ બોર્ડની શાળાઓનો પણ સમાવેશ થાય છે. શિક્ષણવિભાગના નિષ્ણાતો દ્વારા પ્લે ગ્રુપથી લઇ ધોરણ-૧૨ સુધીની આ શાળાઓમાં વિદ્યાર્થીની સંખ્યા, ફીની વિગતો, સુવિધાઓ અને વિદ્યાર્થીદીઠ કરાતા ખર્ચ સહિતની વિગતો ચકાસશે અને ત્યારબાદ ચોકસાઇપૂર્વકનું પ્રોવીઝનલ ફી માળખુ ઘડવાની દિશામાં કવાયત હાથ ધરશે. શિક્ષણ વિભાગ દ્વારા રાજયના દરેક જિલ્લા પ્રાથમિક શિક્ષણાધિકારી(ડીઇઓ) પાસેથી પ્રોવીઝનલ ફી નક્કી કરવા માટે જિલ્લાદીઠ મંગાવેલી ૧૫ શાળાઓની યાદીમાં પાંચ શાળા ગુજરાત બોર્ડની, પાંચ શાળા સીબીએસઇ બોર્ડની અને પાંચ શાળા ઇન્ટરનેશનલ બોર્ડની સમાવાઇ છે, તેથી દરેક જિલ્લાના ડીઇઓએ આ મુજબની શાળાની વિગતો સરકારને મોકલવાની રહેશે. કેટલાક જિલ્લા ડીઇઓ દ્વારા આ પંદર શાળાઓની યાદી તૈયાર પણ કરી દેવાઇ છે.

(8:21 pm IST)
  • છત્તીસગઢની રમણસિંઘ ભાજપ સરકાર માટે રાહતના સમાચારઃ વીઆઈપીઓ માટે ઓગષ્ટા હેલીકોપ્ટરની ખરીદીમાં ભ્રષ્ટાચાર અંગે તપાસની માંગણી કરતી એક જાહેર હિતની અરજી સુપ્રિમ કોર્ટે રદબાતલ કરી છે : આ પીઆઈએલ (પબ્લિક ઈન્ટરેસ્ટ લીટીગેશન) દ્વારા છત્તીસગઢના મુખ્યમંત્રી રમણસિંઘના પુત્રના વિદેશી બેન્ક ખાતાઓમાં ઠલવાયેલ નાણા સંદર્ભે તપાસની માંગણી થયેલ access_time 11:38 am IST

  • કેરળમાં યુવા કોંગી નેતાનું ખૂન : કેરાળાના કન્નુર ડિસ્ટ્રીકમાં યુવા કોંગ્રેસ નેતાની કરપીણ હત્યા : કોમ્યુનિસ્ટ પાર્ટી ઉપરના આરોપ સાથે જીલ્લામાં ૧૨ કલાકની હડતાલનું કોંગ્રેસનું એલાન access_time 4:16 pm IST

  • આઈટીના તપાસમાં ધડાકા? : બિટકોઈનમાં મોટાભાગનું રોકાણ બે નંબરી જ છે... : સુરત : બિટકોઈન રોકાણકારોના મોટાભાગના રૂપિયા બે નંબરી હોવાનું આવકવેરાની તપાસમાં ખુલ્યુ : નાણા રોકાણકારો પાસેથી ૩૦ ટકા દંડ વસૂલાશે : ૧૦૦ લોકોના એકાદ કરોડ ડૂબ્યા access_time 4:17 pm IST