Gujarati News

Gujarati News

News of Tuesday, 13th February 2018

વડોદરામાં ભજન કાર્યક્રમ બાદ ભોજનમાં ગાજરનો હલવો ખાતા ૩૦ને ફુડ પોઇઝનીંગ

વડોદરાઃ અહીંના માણેજા વિસ્‍તારની વલ્લભ સોસાયટીના રહીશો દ્વારા ધાર્મિક કાર્યક્રમમાં ભોજનમાં ગાજરનો હલવો ખાધા બાદ ૩૦ વ્‍યક્તિને ફુડ પોઇઝનીંગની અસર થતા સારવારમાં ખસેડેલ હતાં.

પ્રાપ્ત માહિતી મુજબ વડોદરા શહેરના માણેજા વિસ્તારમાં આવેલી વલ્લભ સોસાયટીમાં ગઈ કાલે સ્થાનિકો દ્વારા વરસી નિમિત્તે ભજનનો કાર્યક્રમ રાખવામાં આવ્યો હતો. ભજન પૂર્ણ થયા બાદ સોસાયટીના રહીશો માટે સામુહિક ભોજનની વ્યવસ્થા કરવામાં આવી હતી. જેમાં મીઠાઈમાં ગાજરનો હલવો પીરસવામાં આવ્યો હતો. ગાજરના હલવા ના કારણે સોસાયટીના 30 રહીશોને મોડી રાત્રે ઝાડા ઉલટી શરૂ થઈ ગઈ હતી. એક સાથે સમગ્ર સોસાયટીના રહીશોની તબિયત લથડતા 108માં ઉપરા છાપરી અનેક કોલ આવ્યા હતા.

કેટલાકને ખાનગી વાહનો દ્વારા, જ્યારે કેટલાકને એમ્બ્યુલન્સ દ્વારા શહેરની સયાજી હોસ્પિટલમાં ખસેડવામાં આવ્યા હતા. જ્યાં સારવાર બાદ 14 રહીશોની તબિયતમાં સુધારો જોવા મળ્યો હતો. જ્યારે કે અન્ય 16 હાલ સારવાર આપવામાં આવી રહી છે.

(6:02 pm IST)
  • ‘બિગ બોસ 11’ની વિનર શિલ્પા શિંદે ફરી એકવાર ચર્ચામાં આવી છે. મીડિયા રિપોર્ટ્સ અનુસાર તેણે ‘ભાભી જી ઘર પર હૈ’ના પ્રોડ્યૂસર સામે કરેલો યૌન શોષણનો કેસ પાછો ખેંચી લીધો છે. તેણે ગત વર્ષે માર્ચમાં આ કેસ નોંધાવ્યો હતો. એક વેબસાઈટને આપેલા નિવેદન અનુસાર, શિલ્પાનું કહેવું છે કે, શોમાં મારા જે પૈસા બાકી હતા તે મને મળી ગયા છે એટલે હવે કેસ આગળ વધારીને કોઈ ફાયદો નથી. access_time 1:31 am IST

  • રીલીઝ થયાના ચાર જ દિવસમાં 'પેડમેન'એ કરી છપ્પરફાળ કમાણી : સોમવારે, ચોથા દિવસે ફિલ્મનું બોક્ષઓફીસ પર ૪૨.૨૫ કરોડ રૂપિયાનું કલેક્શન નોન્ધાયુતું : હજુ પણ ફિલ્મ ખુબ તગળી કમાણી કરશે તેમ ફિલ્મ ક્રિટીક્સનું માનવું છે access_time 6:44 pm IST

  • મહારાષ્ટ્રના નાગપુરમાં નગરનિગમે ટ્રાન્સજેન્ડર્સ માટે એક અલગ ટૉઇલેટ બનાવવાનો નિર્ણય લીધો છે. વર્ષ 2014માં સુપ્રીમ કોર્ટ તરફથી ટ્રાન્સજેન્ડર્સ માટે લેવાયેલા મહત્ત્વપૂર્ણ નિર્ણય છતાં મહારાષ્ટ્ર આ મામલે ધીમું ચાલી રહ્યું હતું. નાગપુરમાં સોમવારે કલેક્ટરેટ ઓફિસમાં આ બાબતે બેઠક યોજાઈ હતી. access_time 1:30 am IST