Gujarati News

Gujarati News

News of Tuesday, 13th February 2018

સાબરમતી જેલના કેદીઓ બનશે પેડવુમેનઃ સેનેટરી નેપકીન બનાવશેઃ ૧લી માર્ચથી ટ્રેનિંગઃ ૪ લાખના ખર્ચે યુનિટ ઉભુ થશે

અમદાવાદઃ મહિલાઓને માસિક દરમિયાન થતી મુશ્‍કેલીઓ બાબતે સામાજિક જાગૃતિ લાવનાર અક્ષય કુમારની ફિલ્મ પેડમેન રિલીજ થઇ છે ત્યારે સાબરમતી સેન્ટ્રલ જેલ તંત્રએ આ ફિલ્મમાંથી પ્રેરણા મેળવી છે અને મહિલા કેદીઓ માટે સેનિટરી નેપકિન બનાવવા માટે જેલમાં જ એક યૂનિટ સ્થાપવાની વિચારણા કરી છે. સેનિટરી પેડનુ યુનિટ સ્થાપી જેલ તંત્રએ મહિલા કેદીઓને રોજગાર હેતુ  આ યુનિટ સ્‍થાપવામાં આવી રહ્યાનું જાણવા મળ્યું છે.

 

આ પ્રોજેક્ટ માટે મહાત્મા ગાંધીએ સ્થાપેલ પબ્લિકેશન હાઉસ નવજીવન અને અમદાવાદના કર્મા ફાઉન્ડેશનનો સહયોગ મળી રહ્યો છે. સોમવારે એનજીઓ અને જેલ તંત્ર વચ્ચે કરાર થયો. એગ્રીમેન્ટ મુજબ નવજીવન અને કર્મા ફાઉન્ડેશન દ્વારા મેન્યુફેક્ચરિંગ યુનિટનું સેટઅપ કરવામાં આવશે, કાચો માલ અને કેદીઓને પગાર પુરો પાડવામાં આવશે. ફાઇનલ પ્રોડક્ટને વેચાણમા મુકવાની જવાબદારી પણ બંને એનજીઓની જ રહેશે.

જેલ અધિક્ષકે જણાવ્યા મુજબ સાબરમતી જેલ તંત્રએ જેલમાં જ સેનિટરી નેપકિન બનાવવા માટે એનજીઓ સાથેના કરારની પ્રપોઝલ ઉપરી વિભાગને મોકલી આપી હતી, જેથી સોથી પણ વધુ મહિલા કેદીઓને રોજગારી અને વેતન આપી શકાય. હાયર ઑથોરિટીએ યૂનિટ બનાવવાની મંજૂરી આપી દીધી છે.

નોંધનીય છે કે, કેટલાક વર્ષોથી નવજીવન ટ્રસ્ટ જેલમાં ગાંધી આઇડિયોલોજી સહિતની કેટલીક એક્ટિવિટીમાં સામેલ છે. મહિલા કેદીઓને રોજગારી ઉપલબ્ધ કરાવવા માટે કર્મા ફાઉન્ડેશનને આ પ્રોજેક્ટ ઑફર કરવામાં આવ્યો હતો, એનજીઓએ આ પ્રપોઝલ સ્વિકારી લીધી હતી. કર્મા ફાઉન્ડેશનના ટ્રસ્ટી પ્રિયાંશી પટેલના જણાવ્યા મુજબ તેમણે ગત વર્ષે રાઇટ ટૂ ક્લિનલીનેસ પ્રોગ્રામ શરૂ કર્યો હતો જે અંતર્ગત તેઓ મહિલા કેદીઓ સાથે કામ કરશે.

વધુમાં તેમણે કહ્યું કે, ‘જેલમાં અનેક વસ્તુઓ બનાવવામાં આવે છે, જો કે મહિલા કેદીઓને જેલમાં કામ નથી મળી રહ્યું. ત્યારે સેનિટરી પેડના પ્રોડક્શન યૂનિટથી અહ્યાંની મહિલા કેદીઓને પણ કામ અને રોજગારી મળી રહેશે. મહિલા કેદીઓને 1લી માર્ચથી ટ્રેનિંગ આપવાનું શરૂ કરીશું અને પ્રોડક્શન યૂનિટ સેટઅપ કરવા માટે 4 લાખનો ખર્ચો થશે.’

(5:42 pm IST)
  • દુબઈમાં તૈયાર થઈ વિશ્વની સૌથી ઊંચી હોટલ : દુબઈએ વિશ્વની સૌથી ઉંચી હોટલ બનાવી પોતાનો જ રેકોર્ડ તોડ્યો : આ છે હોટલ ગેવોરા. જે વિશ્વની સૌથી ઉંચી હોટલ છે. હોટલની ઉંચાઈ 356 મીટર છે. એટલે કે 1 હજાર 186 ફૂટ. સોનાથી બનેલી હોટલ ગેવોરા 75 માળની છે. જેમાં 528 રૂમો છે. જેમાં 232 ડિલક્સ રૂમ, 265 વન બેડ રૂમ ડિલક્સ રૂમ અને 31 ટુ બેડરૂમ સ્યુટ છે : હોટલ ગેવોરા શેખ ઝાયદ રોડ પર દુબઈ ઈન્ટરનેશનલ ફાયનાન્સ સેક્ટર પાસે આવેલી છે : આ હોટલમાં ચાર રેસ્ટોરન્ટ, ઓપન એર સ્વિમિંગ પૂલ, જાકુઝી અને હેલ્થ ક્લબ પણ છે : આ વિશાળ હોટલમાં 6 લિફ્ટ છે. દરેક લિફ્ટ 26 કિમી પ્રતિ કલાકની સ્પીડે દોડે છે : આ પહેલા પણ વિશ્વની સૌથી ઉંચી હોટલનો રેકોર્ડ દુબઈના નામે જ હતો. હોટલ જે ડબ્લ્યુ મેરિએટ માર્કિસની ઉંચાઈ કરતા હોટલ ગેવોરા ફક્ત એક મીટર ઉંચી છે access_time 9:39 am IST

  • આલેલે!! વસુંધરાએ બોલેલું ફેરવી તોળ્યુ!! : ''અભી બોલો અભી ફોક'' : ગઈકાલે બજેટમાં ખેડૂતોના ૮ હજાર કરોડના દેવા માફ કરવાની જોગવાઈનો અમલ થશે જ તેવી કોઈ ગેરંટી નથી : જુદી જુદી જોગવાઈઓના સંપૂર્ણ અમલમાંથી રાજસ્થાનના મુખ્યમંત્રી શ્રીમતી વસુંધરા રાજેની પીછેહટ access_time 4:16 pm IST

  • હવે બેન્કો ડિફોલ્ટર્સની સાપ્તાહિક ધોરણે જાહેરાત કરશે, ૨૩ ફેબુ્રઆરીથી આરંભ : રિઝર્વ બેન્કે નવી સ્ટ્રેસ્ડ એસેટ્સ ફ્રેમવર્કમાં સુધારો કર્યો : SMA તરીકે વર્ગીકૃત્ત જેમાં રૃ. ૫ કરોડ કે તેનાથી વધુ રોકાણ ધરાવતી કંપનીઓનો સમાવેશ થતો હોય તેની ધિરાણ માહિતીનો અહેવાલ CRILCને સોંપવામાં આવશે access_time 2:34 am IST