Gujarati News

Gujarati News

News of Tuesday, 13th February 2018

રાજ્યમાં ફરી સ્વાઈન ફ્લુનો ફૂફાડો ;સાઉદી અરેબિયાથી પરત ફરેલ દંપતીનું મોત

પાટણ જિલ્લા આરોગ્ય તંત્ર દોડતું થયું :આરોગ્ય વિભાગે ત્રણ ટિમો બનાવી આસપાસના 150 ઘરોનો સર્વે કરાવી બ્લડ સેમ્પલ લીધા

ગુજરાતમાં ફરી સ્વાઈન ફ્લુના રોગર ફૂફાડો માર્યો છે સાઉદી અરેબિયાથી પરત ફરેલું એક દંપતી પાટણ  જિલ્લામાં સ્વાઈન ફ્લુનો ભોગ બનતા મોતને ભેટ્યુ છે.જેને લઈને આરોગ્ય તંત્રમાં દોડધામ મચી જવા પામી છે.સાઉદી અરબિયાથી પરત ફરેલ પતિ-પત્નીને સ્વાઈન ફ્લુ થયાનુ સામે આવતા તેમને સારવાર અર્થે ખસેડાયા હતા જ્યાં ખાનગી હોસ્પિટલમાં સારવાર દરમિયાન પતિનુ મોત થયુ હતું, જ્યારે પત્નીને વધુ સારવાર અર્થે ધારપુર મેડિકલ હોસ્પિટલમાં ખસેડવામાં આવી હતી, જોકે સારવાર દરમિયાન પત્નીનું પણ મોત થયુ હતું.

   અચાનક સ્વાઈન ફ્લુના કેસ સામે આવતા અને તેનાથી મોતની ઘટનાઓના પગલે જિલ્લાઓનુ આરોગ્ય વિભાગ દોડતુ થયુ છે. આરોગ્ય વિભાગે ટીમો બનાવીને તેમની આસપાસના ૧૫૦ ઘરોનો સર્વે કર્યો છે. તેમજ લોકોના બ્લડ સેમ્પલ લઈને સ્વાઈન ફ્લુની તપાસ હાથ ધરી છે.

(9:10 am IST)
  • મહારાષ્ટ્રના નાગપુરમાં નગરનિગમે ટ્રાન્સજેન્ડર્સ માટે એક અલગ ટૉઇલેટ બનાવવાનો નિર્ણય લીધો છે. વર્ષ 2014માં સુપ્રીમ કોર્ટ તરફથી ટ્રાન્સજેન્ડર્સ માટે લેવાયેલા મહત્ત્વપૂર્ણ નિર્ણય છતાં મહારાષ્ટ્ર આ મામલે ધીમું ચાલી રહ્યું હતું. નાગપુરમાં સોમવારે કલેક્ટરેટ ઓફિસમાં આ બાબતે બેઠક યોજાઈ હતી. access_time 1:30 am IST

  • મેજર આદિત્ય સામે ગુનાહિત કાર્યવાહી પર સુપ્રિમના મનાઈ હુકમ અને FIR ઉપર ટીપ્પણી બાદ સુબ્રમણ્યમ સ્વામીએ કહ્યું, સંરક્ષણ પ્રધાન નિર્મલા સીતારમણનું રાજીનામુ માગી લેવુ જોઈએ access_time 12:37 pm IST

  • ઓલ ઈન્ડિયા મુસ્લિમ પર્સનલ લો બોર્ડની જાહેરાત : અનંતકાળ સુધી બાબરી મસ્જીદ મસ્જીદ તરીકે જ રહેશે અને મસ્જીદ છે : ઈસ્લામમાં શ્રદ્ધા માટે બાબરી મસ્જીદ અનિવાર્ય જરૂરીયાત છે : મુસ્લિમો કયારેય મસ્જિદને છોડશે નહિં કે મસ્જિદના બદલામાં જમીન લેશે નહિ કે મસ્જીદની જગ્યા ભેટમાં આપશે નહિં access_time 12:36 pm IST