Gujarati News

Gujarati News

News of Sunday, 13th January 2019

રાજ્યમાં 10 ટકા અનામતના અમલની જાહેરાત બાદ GPSC ની પરીક્ષા સ્થગિત: નવી તારીખ હવે જાહેર થશે

ગાંધીનગર:આર્થિક પછાત અને બિન અનામત વર્ગને ૧૦ ટકા અનામત આપવાના બિલ પર રાષ્ટ્રપતિએ હસ્તાક્ષર કરતા જ કાયદો બની ગયો છે, જેને પગલે રાજ્યના મુખ્યમંત્રી વિજયભાઈ  રૂપાણીએ મકર સંક્રાંતિ એટલે કે ૧૪ જાન્યુઆરીથી રાજ્યના ઉચ્ચ શૈક્ષણિક પ્રવેશ અને સરકારી નોકરીઓમાં આર્થિક રીતે નબળા બિન અનામત વર્ગને અનામતનો લાભ આપવાની જાહેરાત કરી છે.

 

આ સાથે જ ૧૪ જાન્યુઆરી બાદ રાજ્યમાં શૈક્ષણિક પ્રવેશો અને સરકારી નોકરીઓની થયેલી જાહેરાતોમાં ભરતી માટેની કોઈ તબક્કાની પ્રક્રિયા શરૂ ન થઇ હોય તેમાં આ લાભ મળવા પાત્ર થશે.જો કે ત્યારબાદ હવે આ ભરતી અને પ્રવેશ પ્રક્રિયા હાલ સ્થગિત રાખી ૧૦ ટકા અનામતનો લાભ આપવામાં આવશે

 

  સરકારની આ જાહેરાત પછી ગુજરાત પબ્લિક સર્વિસ કમિશન (GPSC)ની પરીક્ષાઓ પાછી ઠેલાઈ છે. જીપીએસસીની પ્રિલીમનરી પરીક્ષાઓ ૨૦ જાન્યુઆરીએ લેવાવવાની હતી પણ હવે તેને અટકાવી દેવામાં આવી છે. પરીક્ષાની નવી તારીખ હવે પછી જાહેર કરવામાં આવશે.

  જીપીએસસીના ચેરમેન દિનેશ દાસાએ ટ્વિટમાં જણાવ્યા પ્રમાણે, જીપીએસસીની ૨૦ જાન્યુઆરીએ લેવાનારી પ્રિલમનરી પરીક્ષા આર્થિક નબળા વર્ગ માટે જાહેર કરેલ અનામતના કારણે સ્થગિત કરવામાં આવી છે. જીપીએસસી હવે પછી વધુ વિગતો સમય સમય પર જાહેર કરશે.

(11:24 pm IST)
  • અમદાવાદ બાવળા રોડ પર ફાયરીંગમાં બે વ્‍યકિતના મોત જમીન પ્રશ્‍ન થયું ફાયરીંગ : બંનેના મૃતદેહ હોસ્‍પિટલમાં ખસેડાયા : ઘટના સ્‍થળે પોલીસ દોડી ગઇ : તપાસનો ધમધમાટ access_time 3:32 pm IST

  • ટ્રેનના ડબ્બાના ગેટ પર લગાવેલ લીલી બત્તી બતાવશે કે હવે ટ્રેન ઉપડવાની છે :મુંબઈની લોકલ ટ્રેનોમાં ચડતી વેળાએ કોઈ યાત્રી દુર્ઘટનાનો શિકાર ના બને એટલા માટે નવો આઈડિયા અપનાવ્યો ;ટ્રેનના ડબ્બાના ગેટ પર લીલી બત્તીથી મુસાફરોને ટ્રેન ઉપડવાનો આપશે સંકેત access_time 1:37 am IST

  • કર્ણાટકના રાજકારણમાં મચી જબરી ઉથલ-પાથલ : કોંગ્રેસના 11 ધારાસભ્યો ભાજપના સંપર્કમાં હોવાનું અને આમાંથી 3 ધારાસભ્યો આજે મુંબઈની કોઈ હોટલમાં ભાજપ અગ્રણીઓ સાથે મિટીંગ કરી રહ્યા હોવાનો ધડાકો : ભાજપે કોઈ બહુ મોટી વ્યૂહ રચનાના ભાગરૂપે કર્ણાટક ભાજપના 102 ધારાસભ્યોને 17 જાન્યુઆરી સુધી દિલ્હીમાજ રહેવા જણાવ્યું : આ સાથે કોંગ્રેસ પણ આવી હરકતમાં : કર્ણાટક કોંગ્રેસના દિગગજ નેતા ડિ. કે. શિવકુમાર આવ્યા એક્શન મોડમાં : કોઈ પણ ઘડીએ કર્ણાટકના રાજકારણમાં મોટો ધડાકો થવાના એંધાણ access_time 5:11 pm IST