Gujarati News

Gujarati News

News of Saturday, 13th January 2018

રેલ્‍વે ટ્રેક ઉપર સમારકામના કારણે મહેસાણા-પાલનપુર વચ્‍ચે કાલથી ટ્રેન વ્‍યવહારને અસર

મહેસાણા, તા. ૧૩: રેલ્‍વે ટ્રેક ઉપર સમારકામના કારણે મહેસાણા પાલનપુર વચ્‍ચે કાલથી ૩ દિવસ સુધી ટ્રેન વ્‍યવહારને અસર પડશે.

મહેસાણા : મહેસાણા અને પાલનપુર વચ્ચે બ્લોક તેમજ ઇલેક્ટ્રીફિકેશનના કારણે 13 થી 15 જાન્યુઆરી એમ ત્રણ દિવસ ટ્રેનોના સમયપત્રક ખોરવાઇ જશે. કામગીરીને કારણે કેટલીક ટ્રેનો રદ્દ કરવામાં આવી છે. જેના કારણે અનેક મુસાફરોને પરેશાની વેઠવાનો વારો આવશે. જે ટ્રેનો રદ્દ કરવામાં આવી છે તે પૈકી અમદાવાદ-મહેસાણા-આબુરોડ પેસેન્જર ટ્રેન 13, 14 અને 15 તારીખે રદ્દ કરાઇ છે. જ્યારે રિટર્નમાં 14, 15 અને 16 તારીખે રદ્દ કરવામાં આવી છે. તેમજ અમદાવાદ-અજમેર ઇન્ટરસિટી 13 અને 14 તારીખે રદ્દ કરવામાં આવી છે. સાથે દાદર-ભુજ એક્સપ્રેસ ટ્રેનનો રૂટ બદલવામાં આવ્યો છે. 13 જાન્યુઆરીએ દાદર-ભુજ ટ્રેન અમદાવાદ, વિરમગામ અને સામખિયાળી રૂટ પર થઇને દોડશે.  તો કામગીરીને પગલે કેટલીક ટ્રેનો ટૂંકાવવામાં આવી છે. જોધપુર-અમદાવાદ પેસેન્જર ટ્રેન 13, 14 અને 15 તારીખે આબુ રોડ સુધી ચાલશે અને આબુ રોડથી અમદાવાદ સુધી રદ્દ કરવામાં આવી છે.

અમદાવાદ-જોધપુર ટ્રેન પણ આબુરોડથી ઉપડશે. અમદાવાદથી આબુ રોડ સુધીની ટ્રેન રદ્દ કરાઇ છે. તેવી જ રીતે અમદાવાદ જયપુર ટ્રેન પણ 13, 14 અને 15 તારીખે આબુ રોડથી જ ઉપડશે.

(1:55 pm IST)
  • પૂર્વીય અમેરિકામાં રાતોરાત તાપમાન આવ્યું નીચે : લોકો ત્રાહિમામ : જબરદસ્ત ઠંડી ફરી એકવાર પડવાના એંધાણ : તળાવોમાં એકાએક માંડ્યો બરફ જામવા : લોકોને સાવચેત રેહવા તંત્રે કરી અપીલ access_time 12:44 am IST

  • અમિતભાઈ બે દિવસના ગુજરાત પ્રવાસેઃ કાર્યકરો સાથે મકરસંક્રાત ઉજવશે ભાજપના રાષ્ટ્રીય પ્રમુખ અમિતભાઈ શાહ કાલે નારણપુરામાં કાર્યકર્તાઓ સાથે મકરસંક્રાંત ઉજવશે : પોતાના નિવાસસ્થાને કાર્યકરોને મળશે : આજે સાંજે ૭ વાગ્યે અમદાવાદ એરપોર્ટ આવી પહોંચશે access_time 3:46 pm IST

  • કર્ણાટકના મુખ્યમંત્રી સિદ્વારમૈયા અને રાજ્યના અન્ય કોંગ્રેસી નેતાઓએ દિલ્હી ખાતે પાર્ટી અધ્યક્ષ રાહુલ ગાંધી સાથે મુલાકાત કરી હતી અને જણાવ્યું હતું કે કર્ણાટકમાં કોઇ સત્તા વિરોધી લહેર નથી અને તેમની પાર્ટી આગામી વિધાનસભાની ચૂંટણીમાં પૂર્ણ બહુમતિથી જીત મેળવશે : સિદ્વારમૈયાએ ભાજપને આતંકવાદી કહેલા પોતાના નિવેદન પર માફી માગવાનો આ મુલાકાત દરમ્યાન ઇનકાર કર્યો હતો. access_time 8:54 pm IST