-
પરિવારમાં એક પણ સુપરસ્ટાર નથી, છતાં બોલિવૂડનો સૌથી ધનિક પરિવાર, ૧૦૦૦૦ કરોડની સંપત્તિ! access_time 10:08 am IST
-
હાફુસ કેરીની પુષ્કળ આવક ભાવ પ૦ ટકા ઘટી ગયા access_time 3:18 pm IST
-
યંત્ર પર ઓનલાઈન જુગારમાં દર પાંચ મિનીટે વિજેતા જાહેર થાયઃ આર.એસ.સુવેરા access_time 11:54 am IST
-
રાહત માંગવી કેજરીવાલને ભારે પડી : કોર્ટે અરજી ફગાવી ફટકાર્યો રૂ. ૭૫૦૦૦નો દંડ access_time 2:59 pm IST
-
કેરી ખાવાથી વજન અને બ્લડ શુગર વધી જાય.. ? કેટલું સત્ય છે ? access_time 9:37 am IST
રાજ્યમાં દિવાળી વેળાએ ફૂડ એન્ડ ડ્રગ્સ વિભાગનો સપાટો : 15 લાખની 7 ટન મીઠાઈનો નાશ કરાયો
ભેળસેળ કરતા વેપારી પાસેથી ડ્રગ્સ વિભાગ દ્વારા કુલ 18 લાખ રૂપિયાનો દંડ વસૂલ કરાયો
અમદાવાદ : રાજ્યમાં દિવાળીના તહેવારો દરમિયાન લોકો મીઠાઈ ઉપર વધારે ખરીદી કરતા હોય છે અને મીઠાઈની દુકાન ઉપર લાંબી લાઈનો પણ લાગ્યું હોય છે ત્યારે વધુ નફો કમાવવા માટે વેપારીઓ મીઠાઈ ની અંદર અનેક વસ્તુઓનું મિશ્રણ પણ કરતા હોય છે જે આરોગ્ય માટે હાનિકારક હોય છે આ તહેવારો દરમિયાન રાજ્યમાં કોઈ પણ નાગરિકને ખરાબ મીઠાઈ ન પહોંચે તેને ધ્યાનમાં લઇને રાજ્યના ફૂડ એન્ડ ડ્રગ્સ વિભાગ દ્વારા ખાસ સર્વેલન્સ ગોઠવીને 15 લાખના કુલ 7 ટન જેટલી બોગસ મીઠાઈ નો નાશ કરવામાં આવ્યો છે.
બોગસ મીઠાઈ બાબતે રાજ્યના ફૂડ એન્ડ ડ્રગ્સ વિભાગના કમિશનર એચ.જી કોશિયાએ જણાવ્યું હતું કે રાજ્યમાં ફૂડ વિભાગ દ્વારા અલગ-અલગ જિલ્લામાં રેડ અને તપાસ કરવામાં આવી છે. આ તપાસ દરમિયાન અનેક વેપારીઓએ મીઠાઈમાં અખાદ્ય મિશ્રણ મિક્સ કર્યું હોવાની વાત સામે આવી છે. આ દરમિયાનમાં વિભાગની તપાસમાં કુલ સાત ટન જેટલો મુદ્દામાલ જપ્ત કરીને તેનો નાશ કરવામાં આવ્યો છે. જ્યારે આ જપ્ત કરેલ મુદ્દામાલની કિંમત 15 લાખની આસપાસ થાય છે..જ્યારે બીજા 15,000 સેમ્પલ પણ લેવામાં આવ્યા છે.
જે વેપારી મીઠાઈમાં અથવા તો ખાદ્ય ચીજવસ્તુઓમાં મિશ્રણ કરીને વધુ નફો રળવાની કોશિશ કરશે અને જો તેઓ ઝડપાઇ જશે તો કાયદેસરની તેના વિરૂદ્ધ કાર્યવાહી પણ કરવામાં આવશે. જ્યારે કસૂરવાર વેપારીઓ વિરુદ્ધમાં બે લાખ રૂપિયાના દંડની પણ જોગવાઈ છે. અત્યાર સુધીમાં ડ્રગ્સ વિભાગ દ્વારા કુલ 18 લાખ રૂપિયાનો દંડ વસૂલ કરવામાં આવ્યો છે