Gujarati News

ભરૂચના પશ્ચિમ વિસ્તારના ભઠિયારવાડમાં એક બંધ મકાનમાં આગ ભભૂકતા  અફરાતફરીનો માહોલ સર્જાયો હતો. જો કે, ફાયર ફાઇટરોએ  આગ ઉપર કાબુ મેળવતા સૌએ હાશકારો અનુભવ્યો હતો.

  આ અંગેની વિગત મુજબ ભરૂચના પશ્ચિમ વિસ્તારમાં આવેલ ભઠિયારવાડમાં એક બંધ મકાનમાં એકા એક આગ ભભૂકતા ધૂમાડાના ગોટે ગોટા નિકળયા હતા. જોત જોતામાં આગ લાગ્યાની વાત વાયુ વેગ પ્રસરતા આ વિસ્તારના રહીશોમાં અફરાતફરીનો માહોલ સર્જાયો હતો. આગના પગલે આસપાસના રહિશો તેમજ દુકાન ધારકોના જીવ ટાળવે ચોંટ્યા હતા

  .ઘટનાના પગલે લોક ટોળા એકત્રીત થવા પામ્યા હતા. આગ લાગ્યાની જાણ ભરૂચ પાલિકાના ફાયર વિભાગને કરાતા તુરંત ફાયર ફાઇટરો ઘટના સ્થળે દોડી ગય હતા અને ગનતીના કલાકોમાં લાગેલ આગ ઉપર કાબુ મેળવવામાં સફળતા મેળવી હતી. આગ ઓલવાઇ અને કોઇ જાન હાની ન નોંધાતા સૌએ નિરાંતનો શ્વાશ લીધો હતો.જો કે આ આગ કેવી રીતે લાગી તે હજુ જાણી શકાયું નથી.