Gujarati News

વડોદરામાં આજે ફૂગ્ગા અગિયારસની ઉજવણી વેળાએ ફૂગ્ગા મારવાની બાબતે મામલો બિચકતાં બે જૂથ વચ્ચે પથ્થર ફેંકાયા હતા  એક જ કોમના બે જૂથ વચ્ચે પથ્થરમારો થતાં અફરાતફરીનો માહોલ છવાઈ ગયો હતો. જો કે પોલીસે ઘટના સ્થળે પહોંચીને સ્થિતિ પર કાબૂ મેળવ્યો હતો. આ મામલે 8 લોકોની ધરપકડ કરી હતી.

 આ અંગે મળતી વિગત મુજબ વડોદરાના નગરવાડા ખાતે ફુગ્ગા અગિયારસની ઉજવણીમાં બે જૂથ એકબીજા પર ફુગ્ગાઓનો મારો ચલાવતા હતા ફુગ્ગાની આ મારામારીમાં બે જૂથ વચ્ચે બબાલ થઈ હતી. જોતજોતામાં બબાલે ઉગ્ર સ્વરૂપ ધારણ કરતાં ફુગ્ગાને બદલે બંને જૂથે એકબીજા પર પથ્થરમારો  શરૂ કરી દીધો હતો.