Gujarati News

Gujarati News

News of Friday, 12th July 2019

ભરૂચ નંદેલાવમાં બે બિલ્ડીંગને ગેરકાયદેસર જાહેર કરીને બૌડાએ સીલ મારતા ખળભળાટ

ભાડે રહેતા કંપનીના કર્મચારીઓ અને દુકાનદારો ભેખડે ભરવાયા

ભરૂચ અંકલેશ્વર અર્બન ડેવલપમેન્ટ ઓથોરીટી (બૌડા)એ નંદેલાવ  ખાતે આવેલી બે બિલ્ડીંગોને ગેરકાયદેસર બાંધકામ જાહેર કરી સીલ મારી દેતા ખળભળાટ મચી ગયો છે જ્યારે બિલ્ડીંગમાં ભાડે રહેતા કંપનીના કર્મચારીઓ અને દુકાનદારો ભેખડે ભરવાયા છે.

 આ અંગે મળતી વિગત મુજબ નંદેલાવમાં  આવેલ આયેશા એપાર્ટમેન્ટ અને મદની એપાર્ટમેન્ટ પરવાનગી વગર ઉભી થઈ હોવાની ફરીયાદ સચીન પટેલ અને મુકેશ વસાવાએ બૌડામાં કરી હતી. જેના આધારે બૌડાએ સ્થળ તપાસ કરી બિલ્ડરોને સુનાવણી માટે જાણ કરી હતી. જેમાં બિલ્ડરો હાજર ન રહેતા આખરે બૌડાએ બિલ્ડીંગને સીલ મારવા માટેની નોટીસ આપી બિલ્ડીંગ ખાલી કરવા જણાવ્યું હતું

 . નોટિસનો સમય પુરો થવા છતાં બિલ્ડરો દ્વારા કોઇ કાર્યવાહી ન થતા આખરે બુધવારના રોજ બૌડાની ટીમે બંને બિલ્ડીંગોને સીલ મારી દેતા દુકાનદારોમાં દોડધામ મચી જવા પામી હતી. આ બિલ્ડીંગમાં વિવિધ કંપનીના કર્મચારીઓ ભાડેથી રહેતા હતા. સીલ મારવાના કારણે તેમનો સર-સામાન પણ અંદર રહી જતા તેઓ મુશ્કેલીમાં મુકાયા હતા.

(7:47 pm IST)
  • મરાઠા અનામત મામલે બોમ્બે હાઇકોર્ટના ચુકાદા વિરુદ્ધ અરજી પર સુપ્રીમકોર્ટમાં સુનાવણી ;ચીફ જસ્ટિઝ રંજન ગોગોઈના અદ્યક્ષતાવાળી પીઠ સુનાવણી હાથ ધરશે:એક એનજીઓ દ્વારા દાખલ અરજીમાં કહેવાયું છે કે સુપ્રીમ કોર્ટે અનામતને લઇને 50 ટકા મર્યાદા નક્કી કરી હતી :હાઇકોર્ટનો ચુકાદો સુપ્રીમકોર્ટ વિરુદ્ધ છે access_time 1:07 am IST

  • એર કેનેડાની ૨૮૪ મુસાફરો સાથેની ફલાઈટનું હોનાલુલુમાં ઈમરજન્સી લેન્ડીંગઃ ૩૫ યાત્રીકો ઘાયલ : એયર કેનેડાની ફલાઈટનું ખરાબ હવામાનના કારણે ઈમરજન્સી લેન્ડિંગઃ ૩૫ યાત્રીઓ ઘાયલઃ એયર કેનેડાની ફલાઈટનું હોનોલુલુમાં ઈમરજન્સી લેન્ડિંગઃ ટોરેન્ટોથી સિડની જતી ફલાઈટ AC 22માં ખરાબ હવામાને કારણે લેન્ડિંગ access_time 3:23 pm IST

  • ઘર ખરીદવાની ક્ષમતા ૪ વર્ષમાં સૌથી બદત્તરઃ રીઝર્વ બેંકનો રિપોર્ટ : સરકારે રાહતદરના મકાનો આપવાનો પ્રયાસ કર્યો હોવા છતાં પણ લોકોમાં ઘર ખરીદવાની ક્ષમતા ૪ વર્ષમાં સૌથી બદત્તર સ્થિતિમાં પહોંચી છેઃ દિલ્હી, મુંબઇ સહિત ૧૩ શહેરોના સર્વે બાદ રીઝર્વ બેંકે આ મૂજબ જણાવ્યું છે. ૪ વર્ષમાં આવકના મુકાબલે મકાનની કિંમત સૌથી વધુ વધી છે access_time 11:23 am IST