Gujarati News

Gujarati News

News of Friday, 12th July 2019

નવ વર્ષની લડતમાં આખરે અમને સફળતા મળી, મને કોઇ અપેક્ષા ન હતી તેવો ન્યાય મળ્યોઃ અમિત જેઠવાના પિતા ભીખાભાઇ જેઠવાનું નિવેદન

અમદાવાદ :અમિત જેઠવા હત્યાકાંડ કેસમાં આજે સીબીઆઈ કોર્ટે ચુકાદો આપી દીધો છે. જેમાં પૂર્વ સાંસદ દીનુ બોઘા સોલંકી સહિત સાત આરોપીઓને આજીવન કેદ અને 60.50 લાખનો દંડ ફટકાર્યો છે. ત્યારે પોતાના દીકરાને ન્યાય મળતા જેઠવા પરિવારમાં આનંદની લાગણી છવાઈ હતી, અને તેમણે ન્યાય મળ્યો તેવું કહ્યું હતું.

અમિત જેઠવાના પિતા ભીખાભાઈ જેઠવાએ વાતચીતમાં કહ્યું કે, મને ન્યાય મળ્યો છે. મને કોઈ અપેક્ષા હતી તેવો ન્યાય મને મળ્યો છે. હું બધાનો આભાર માનું છું. મારા પરિવારને જે વળતર આપ્યું તેનાથી પણ હું ખુશ છું. તેમણે કહ્યું કે, આજના જજમેન્ટને હું અને મારો પરિવાર વધાવે છે. નવ વર્ષની લડતમાં આખરે અમને સફળતા મળી છે. આરોપીઓને જે સજા મળી છે, તો બરાબર છે ઉપલી કોર્ટમાં અમે જવા માંગતા નથી. મેં અને મારા પરિવારે જે દસ વર્ષ યાતના ભોગવી છે, ત્યારે આરોપીઓ બાકીની સજા ભોગવે તે યોગ્ય ગણાશે.

આરોપીએ વિશે તેમણે કહ્યું કે, દોષિત આરોપીઓ ખૂ્ઁખાર છે, તો શું કરશે મને કે મારા છોકરાને ગોળી મારશે. એનાથી હું ડરતો નથી. લડેંગે, અને લડતે રહેંગે.

અમિત જેઠવાના પરિવારને 11 લાખ આપવાનો આદેશ

સીબીઆઈ જજ કે. એમ. દવેએ કેસમાં અમિત જેઠવાના પરિવારને કુલ 11 લાખ આપવાનો આદેશ પણ સંભળાવ્યો છે. કોર્ટે અમિત જેઠવાની પત્નીને 5 લાખ અને બંને બાળકોને ત્રણ ત્રણ લાખ આપવા આદેશ કર્યો છે.

કયા આરોપીને કેટલો દંડ

- દિનુ બોઘા સોલંકી - 15 લાખ દંડ

- શૈલેષ પંડ્યા - આર્મ્સ એક્ટમાં આજીવન સજા 10 લાખનો દંડ

- ઉદાજી ઠાકોર - 25,000નો દંડ

- શિવા પચાણ - 8 લાખનો દંડ, ધારા 302, 120-B અંતર્ગત સજા

- શિવા સોલંકી - 15 લાખનો દંડ

- બહાદુરસિંહ વાઢેર (પોલીસ કોન્સ્ટેબલ) :- આઈપીસી કલમ 302, 120-B અને 10 લાખનો દંડ

- સંજય ચૌહાણ - 1 લાખનો દંડ

7 આરોપીને આજીવન કેદ

કેસમાં સાત આરોપીઓ દિનુ બોઘા સોલંકી, શૈલેષ પંડ્યા, ઉદાજી ઠાકોર, શિવા પચાણ, શિવા સોલંકી, બહાદુરસિંહ વાઢેર, સંજય ચૌહાણને આજીવન કેદની સજા ફટકારવામાં આવી છે.

(4:43 pm IST)
  • મરાઠા અનામત મામલે બોમ્બે હાઇકોર્ટના ચુકાદા વિરુદ્ધ અરજી પર સુપ્રીમકોર્ટમાં સુનાવણી ;ચીફ જસ્ટિઝ રંજન ગોગોઈના અદ્યક્ષતાવાળી પીઠ સુનાવણી હાથ ધરશે:એક એનજીઓ દ્વારા દાખલ અરજીમાં કહેવાયું છે કે સુપ્રીમ કોર્ટે અનામતને લઇને 50 ટકા મર્યાદા નક્કી કરી હતી :હાઇકોર્ટનો ચુકાદો સુપ્રીમકોર્ટ વિરુદ્ધ છે access_time 1:07 am IST

  • હવે કર્ણાટક ભાજપમાં પણ કકળાટ : કર્ણાટકમાં રાજકીય સંકટના પગલે કોંગ્રેસમાં કકળાટ સર્જાયાના પગલે હવે ભાજપમાં પણ ધમાસાણ મચ્યું છે. જેડીએસ બળવાખોરને મુખ્યમંત્રી પદ આપવા મામલે ભાજપમાં ડખ્ખો સર્જાયો છે. કોંગ્રેસ અને જેડીએસ ગઠબંધન સરકાર ગબડે અને ભાજપની સરકાર બનાવવા કવાયત આડે પાર્ટીમાં મતભેદબહાર આવી રહ્યા છે. કોંગ્રેસ અને જેડીએસના બળવાખોર ધારાસભ્યોને સામેલ કરવા અંગે ભાજપમાં મતમતાંતર પ્રવર્તિ રહ્યાનું પણ કહેવાય છે. access_time 1:14 pm IST

  • એર કેનેડાની ૨૮૪ મુસાફરો સાથેની ફલાઈટનું હોનાલુલુમાં ઈમરજન્સી લેન્ડીંગઃ ૩૫ યાત્રીકો ઘાયલ : એયર કેનેડાની ફલાઈટનું ખરાબ હવામાનના કારણે ઈમરજન્સી લેન્ડિંગઃ ૩૫ યાત્રીઓ ઘાયલઃ એયર કેનેડાની ફલાઈટનું હોનોલુલુમાં ઈમરજન્સી લેન્ડિંગઃ ટોરેન્ટોથી સિડની જતી ફલાઈટ AC 22માં ખરાબ હવામાને કારણે લેન્ડિંગ access_time 3:23 pm IST