Gujarati News

Gujarati News

News of Thursday, 12th July 2018

પેટલાદ નજીક વિરોલમાં મધરાત્રે તસ્કરોએ શિક્ષકના ઘરમાંથી 1.15 લાખની મતા તફડાવી

પેટલાદ:નજીક આવેલા વિરોલ (સી)ગામે આવેલા વાડી વિસ્તારમાં રહેતા એક શિક્ષકના ઘરમાં ગઈકાલે મધરાતના સુમારે ત્રાટકેલા તસ્કરો દોઢ લાખની મત્તાની ચોરી કરીને ફરાર થઈ જતાં આ અંગે પેટલાદ રૂરલ પોલીસે ગુનો દાખલ કરીને ડોગ સ્ક્વોડ અને એફએસએલની મદદથી તપાસ હાથ ઘરી છે. 

 


પ્રાપ્ત વિગતો અનુસાર બોરસદ તાલુકાના બોચાસણ ગામે આવેલી સ્કૂલમાં શિક્ષક તરીકે ફરજ બજાવતા ભાવિનભાઈ જશભાઈ પટેલ ગઈકાલે રાત્રીના સુમારે પરિવાર સાથે આગળના રૂમમાં સુઈ ગયા હતા. દરમ્યાન મધ્યરાત્રીના સુમારે કેટલાક તસ્કરો ત્રાટક્યા હતા અને મકાનની પાછળના ખેતરમાંથી બારીનો દરવાજો તોડીને અંદર ઘુસ્યા હતા. ત્યારબાદ બે તિજોરીઓ તોડીને અંદરથી ૫ તોલાના સોનાના દાગીના, ૫૦૦ ગ્રામ ચાંદીના છડા, છ સિક્કા તેમજ મુર્તી મળીને કુલ દોઢ લાખની મત્તાની ચોરી કરીને ફરાર થઈ ગયા હતા. સવારે સાડા છ વાગ્યાના સુમારે ઉઠેલા ભાવિનભાઈએ જોયું તો તિજોરીનો બધો સામાન વેરવિખેર પડેલો હતો અને મકાનની પાછળ આવેલી બારીનો દરવાજો તુટેલો હતો જેથી તપાસ કરતાં ઉક્ત રકમની ચોરી થવા પામી હતી. 

તેઓએ તુરંત જ પેટલાદ રૂરલ પોલીસને જાણ કરતાં પોલીસ આવી ચઢી હતી અને તપાસ હાથ ઘરી હતી.

(5:56 pm IST)
  • જુનાગઢમાં ઘણા લાંબા સમય રાહ જોવડાયા બાદ ભારે વરસાદનુ આગમન : શહેરમાં લાઇટ જવાના પ્રશ્નોને પગલે પી.જી.વી.સી.એલના કમૅચારીઓ ભારે વરસાદ વચ્ચે કાર્યરત : ચાલુ વરસાદે પી. જી. વી. સી.એલના કર્મચારીઓ જીવ જોખમમાં મુકી કામ કરતા નજરે પડે છે.'અકિલા 'ના વાચક વાઢીયા મિતલકુમારએ મોકલેલ જુઓ વિડીયો access_time 11:20 pm IST

  • રાજકોટના લોધીકામાં ભારે વરસાદથી પાણીમાં એક બાળક સહિત ત્રણ લોકો તણાયા :ખેતરમાં વરસાદી પાણીનું ઘોડાપુર આવતા ત્રણ લોકો તણાયા :ચાર વર્ષના બાળકનું મોત :અન્ય બે લોકોનો આબાદ બચાવ access_time 12:17 am IST

  • રાજકોટ પંથકના જસદણમાં 1.5 ઇંચ વરસાદ :ધોધમાર વરસાદ પડતા ગોઠણડૂબ પાણી ભરાયા:.જસદણની ભાદર નદીમાં ઘોડાપુર :નવા નીરને વધાવવા ટોળા ઉમટી પડ્યા access_time 11:24 pm IST