Gujarati News

Gujarati News

News of Wednesday, 12th May 2021

આખરે રાજપીપળા સિવિલ હોસ્પિટલને નવી શબ વાહિની મળતા વર્ષો બાદ મોટી રાહત થઈ

એક વર્ષ થી ખાનગી એજંસી પાસેથી કોન્ટ્રાક્ટની શબ વાહિની મેળવી ગાડું ગબળતું હતું

(ભરત શાહ દ્વારા)રાજપીપળા : નર્મદા જિલ્લા મથકે આવેલી એકમાત્ર રાજપીપળા સરકારી હોસ્પિટલને લાંબા સમય બાદ સરકારે નવી શબવાહીની ફાળવતા રાહત થઈ છે.

રાજપીપલા સિવિલ હોસ્પિટલને ગુજરાત સરકારના આરોગ્ય વિભાગે એક નવી શબવાહિની ફાળવી આપી છે જે અત્રે રાજપીપલા લાવવામાં આવી હતી ગયા વર્ષના માર્ચ માસથી શરુ થયેલ કોરોના મહામારી સાથે મોતની સંખ્યા પણ વધતી જતી જોઈ. શબવાહિનીની જરૂરિયાત ઉભી થઇ, અત્યાર સુધી હોસ્પિટલના સત્તાધીશો ખાનગી એજન્સીની શબવાહિની દ્વારા ગાડું ગબડાવતા હતા

 જોકે રાજપીપલાના શહેરીજનોની જરૂરિયાત માટે તો નગરપાલિકા પાસે શબવાહિની છે પણ તે કોરોના દર્દીના મૃતદેહ માટે મળી શકે તેમ ના હોય એકજ શબવાહિનીથી કામ ચાલતું હતું ત્યારે. કોવીડ હોસ્પિટલ પર મૃત્યુ ની સંખ્યા વધતા અને ક્યારેક એક શબવાહિનીમાં એક સાથે બે મૃત દેહો લઈ જવાની નોબત આવતા શબવાહિની ની જરૂરિયાત જણાતા આખરે નવી શબ વાહિની આવી જતા તંત્ર ને રાહત થઇ છે.

(11:26 pm IST)
  • મળતા અહેવાલો મુજબ અમદાવાદ, ગુજરાતના ચેરિટી કમિશનરે એનજીઓ ‘વી ધ પીપલ ચેરીટેબલ ટ્રસ્ટ’ ના બેન્ક ખાતા ફ્રીઝ કરવાનો આદેશ આપ્યો છે. ધારાસભ્ય જીગ્નેશ મેવાણી આ NGO ના નામે ભંડોળ એકત્રિત કરી રહ્યા હતા, બાદ આ હુકમ થયો છે. એનજીઓને પણ કારણદર્શક નોટિસ ફટકારવામાં આવી છે. એક તપાસમાં જાણવા મળ્યું છે કે મેવાણી આ સંસ્થાના ટ્રસ્ટી નથી. ટ્રસ્ટ તરફથી જવાબ માંગવામાં આવ્યો છે કે શું મેવાણીને આવી કોઈ અપીલ કરવા માટે અધિકૃત કરવામાં આવ્યા હતા? પરંતુ રિપોર્ટ પ્રમાણે હજી સુધી NGO તરફથી કોઈ જવાબ મળ્યો નથી તેમ જાણવા મળે છે. access_time 12:18 am IST

  • મંગળવારે બપોરે પશ્ચિમ બંગાળના જુદા જુદા ભાગોમાં તોફાન અને ભારે વરસાદને કારણે આઠ લોકોનાં મોત નીપજ્યાં હતાં. અધિકારીઓએ આ માહિતી આપી. હવામાન ખાતાના એક અધિકારીએ જણાવ્યું હતું કે વીજળી પડવાથી અને કલાકે 50 કિલોમીટરની ઝડપે થયેલ ધૂળના તોફાનને કારણે કોલકાતા, ઉત્તર 24 પરગણા, નાદિયા, મુર્શીદાબાદ, બાંકુરા, પૂર્વી બર્ધમાન, પશ્ચિમ મેદનીપુર, બીરભૂમ અને પુરૂલિયા જિલ્લામાં ભારે નુકસાન થયું છે. access_time 11:57 pm IST

  • રાજકોટમાં ૪૦ ડીગ્રી : રાજકોટ શહેરમાં ૧૬ કિ.મી.ની ઝડપે ગરમ પવન ફૂંકાઈ રહ્યા છેઃ હાલ મહત્તમ નોર્મલ તાપમાન ૪૧ ડીગ્રી ગણાયઃ આગામી બે-ત્રણ દિવસ ગરમીનો પારો ૪૧ ડીગ્રી આસપાસ રહેશે તેમ હવામાન શાસ્ત્રીઓ જણાવે છે access_time 3:44 pm IST