Gujarati News

(ભરત શાહ દ્વારા) રાજપીપળા : નર્મદા જિલ્લાના દેડીયાપાડા તાલુકાના ભરાડા (ખાબજી)ગામમાં નાના ભાઈએ મોટા ભાઈની હત્યા કરતા ચકચાર મચી જવા પામી છે.

  પ્રાપ્ત માહિતી અનુસાર ભરાડા (ખાબજી)ગામમાં રહેતા ચૈતરભાઇ ખિમજીભાઇ વસાવા એ આપેલી ફરિયાદ મુજબ તેમના બે દીકરાઓ પૈકી ઉમેશ નાનો દીકરો અને સુનિલ તેમનો મોટો પુત્ર થતો હોય ગતરોજ ઉમેશે અને સુનિલ માટે પિતા ચૈતર ભાઈ જમવાનું બનાવતા હતા ત્યારે મોટા દીકરા સુનિલે પિતાને જણાવ્યું કે તમે જમવાનું બરાબર બનવતા નથી બાફેલું ખવડાવો છો તેમ કહી ગાળો બોલતા નાના પુત્ર ઉમેશે મોટાભાઈ સુનિલ ને પિતાજી ને ગાળો કેમ બોલે છે તેમ જણાવતા બંને ભાઈઓ વચ્ચે ઝઘડો થયો હોય તેથી ઉમેશ એકદમ ઉશ્કેરાઈ જઈ મોટાભાઈ પર કોઈક હથિયાર વડે માથામાં ઉપરા ઉપરી ત્રણ ઘા કરી સ્થળ પર જ મોત નિપજાવતા પોલીસે પિતા ચૈતરભાઈ ની ફરિયાદ ના આધારે નાના દીકરા ઉમેશ વિરુદ્ધ હત્યા નો ગુનો નોંધી તપાસ હાથ ધરી છે.