Gujarati News

ગુજરાતભરમાં પાછલા 24 કલાકમાં 158 તાલુકામાં સારો વરસાદ નોંધવામાં આવ્યો હતો.આજે મંગળવારે સવારે 6થી 10 સુધીનાં 4 કલાકમાં 58 તાલુકામાં સારો વરસાદ વરસ્યો છે ,ગુજરાતભરમાં આગામી 3 દિવસ માટે હજુ પણ ભારે વરસાદની આગાહી અપાઈ છે દક્ષિણ ગુજરાત અને સૌરાષ્ટ્રમાં ભારે વરસાદની શક્યતા છે  ત્યારે આજ સવારથી જ દક્ષિણ ગુજરાત અને સૌરાષ્ટ્રમાં વરસાદનુ જોર વધ્યું છે.

  જૂનાગઢનાં વંથલીમાં 4 કલાકમાં 2 ઇંચ વરસાદ નોંધવામાં આવ્યો છે. માણાવદરમાં પણ 1.5 ઇંચ, જૂનાગઢ શહેરમાં 1.5 ઇંચ, વિસાવદરમાં પણ 1.5 ઇંચ, દ્વારકાનાં ભાણવડમાં 1 ઇંચ વરસાદ પડયો હોવાની વિગતો સામે આવી રહી છે.

દક્ષિણ ગુજરાતમાં સુરતનાં ઉમરપાડામાં 1.5 ઇંચ વરસાદ નોંધવામાં આવ્યો છે, જ્યારે ગુજરાતભરનાં 51 તાલુકાઓમાં 1 ઇંચ સુધીનો વરસાદ નોંધવામાં આવ્યો છે.