Gujarati News

Gujarati News

News of Tuesday, 11th May 2021

કોરોના વોરિયર્સને પોલીસની કનડગત : મેડિકલ એસો.ની હડતાલ : કોરોના દર્દીઓ હેરાન પરેશાન

મહીસાગર ના બાલાસિનોર નગરમાં બે ડોક્ટરોને ત્રણ કલાક સુધી જેલમાં પુરી રાખતા તમામ મેડિકલ સ્ટોર સહિત દવાખાનાઓ બંધ

મહીસાગર ના બાલાસિનોર નગર માં કોરોના ના કપરા કાળ માં સેવા આપી રહેલા બે ડોક્ટરો ને પોલીસે કોઈ જ કારણ વગર પોલીસ મથકે બોલાવી ત્રણ કલાક સુધી જેલમાં પુરી રાખતા આજે તમામ મેડિકલ સ્ટોર સહિત દવાખાના ઓ બંધ કરી તમામ મેડિકલ એસોસિએશન આજે અચોક્કસ મુદત ની હડતાળ માં જોડાયા છે.

મહીસાગર જિલ્લા ના બાલાસિનોર નગરમાં આવા કોરોનાના કપરા સમયમાં પોતાના પરિવારની ચિંતા ના કરી કોરોના દર્દીઓને સારવાર કરી રહ્યા છે. ત્યાંરે આવા કોરોના વોરિયર્સ ડોક્ટરો પર પોલીસ કોઈ કારણ વગર પોતાની દબંગાઈ બતાવતી હોવાનું ડોક્ટરો જણાવી રહ્યા છે.

બાલાસિનોર નગરના બે ડોક્ટર ભાવેશ શાહ અને યસ મેડિકલ સ્ટોરના માલિક દિલીપભાઈને પોલીસ વાનમાં આવેલ એક કોન્સ્ટેબલે પી આઈ સાહેબ પોલીસ મથકે બોલાવે છે. કહી ડોક્ટર અને મેડિકલ સ્ટોરના માલિકને પોલીસ મથકે લઇ જવામાં આવ્યા બાદમાં બાલાસિનોર પોલીસ મથકના પી આઈ દ્વારા કોઈ પણ કારણ વગર પોતાની સત્તાનો દૂર ઉપયોગ કરીને બંનેને ત્રણ કલાક સુધી લોકઅપમાં બેસાડી દેવામાં આવ્યા હતા.

જોકે સમગ્ર પોલીસની દબંગાઈ સામે મેડિકલ એસોસિએશન દ્વારા ખોટી રીતે જેલમાં પુરવા બદલ બાલાસિનોરનગરમાં આવેલ તમામ દવાખાના સહિત મેડિકલ સ્ટોર બંધ રાખી આજે તમામ એસોસિએશન ભેગા મળી અચોક્કસ મુદતની હડતાળમાં જોડાયા છે. – તેમજ ખોટી રીતે પોલીસે ડોક્ટર અને મેડિકલ સ્ટોરના સંચાલકને પુરી દેવા બાબતે જો કોઈ કાર્યવાહી કરવામાં નહીં આવે ત્યાં સુધી અચોક્કસ મુદતની હડતાળ માં જોડાઈ ગયા છે ત્યારે બીજી તરફ કોરોના દર્દીઓ હેરાન પરેશાન બન્યા છે.

(9:47 am IST)
  • મળતા અહેવાલો મુજબ અમદાવાદ, ગુજરાતના ચેરિટી કમિશનરે એનજીઓ ‘વી ધ પીપલ ચેરીટેબલ ટ્રસ્ટ’ ના બેન્ક ખાતા ફ્રીઝ કરવાનો આદેશ આપ્યો છે. ધારાસભ્ય જીગ્નેશ મેવાણી આ NGO ના નામે ભંડોળ એકત્રિત કરી રહ્યા હતા, બાદ આ હુકમ થયો છે. એનજીઓને પણ કારણદર્શક નોટિસ ફટકારવામાં આવી છે. એક તપાસમાં જાણવા મળ્યું છે કે મેવાણી આ સંસ્થાના ટ્રસ્ટી નથી. ટ્રસ્ટ તરફથી જવાબ માંગવામાં આવ્યો છે કે શું મેવાણીને આવી કોઈ અપીલ કરવા માટે અધિકૃત કરવામાં આવ્યા હતા? પરંતુ રિપોર્ટ પ્રમાણે હજી સુધી NGO તરફથી કોઈ જવાબ મળ્યો નથી તેમ જાણવા મળે છે. access_time 12:18 am IST

  • ઇંગ્લેન્ડમાં કોરોના શાંત થઈ ગયો :છેલ્લા એક વર્ષમાં પહેલી વખત ઇંગ્લેન્ડમાં કોરોનાવાયરસનો એક પણ નવો કેસ ગઈકાલે નોંધાયો નથી. access_time 10:44 am IST

  • મંગળવારે બપોરે પશ્ચિમ બંગાળના જુદા જુદા ભાગોમાં તોફાન અને ભારે વરસાદને કારણે આઠ લોકોનાં મોત નીપજ્યાં હતાં. અધિકારીઓએ આ માહિતી આપી. હવામાન ખાતાના એક અધિકારીએ જણાવ્યું હતું કે વીજળી પડવાથી અને કલાકે 50 કિલોમીટરની ઝડપે થયેલ ધૂળના તોફાનને કારણે કોલકાતા, ઉત્તર 24 પરગણા, નાદિયા, મુર્શીદાબાદ, બાંકુરા, પૂર્વી બર્ધમાન, પશ્ચિમ મેદનીપુર, બીરભૂમ અને પુરૂલિયા જિલ્લામાં ભારે નુકસાન થયું છે. access_time 11:57 pm IST