Gujarati News

Gujarati News

News of Sunday, 11th April 2021

પાલનપુરમાં બે પિસ્તોલ સાથે મોહમ્મદ તાહિર ઝડપાયો

બાતમીના આધારે આરોપીની ધરપકડ : ૨૦૧૮માં પાટણ અને મહેસાણામાં પણ આંગડિયા પેઢી લૂંટ, ફાયરિંગ, હથિયારના ૭ જેટલા ગુનામાં સામેલ છે

પાલનપુર, તા. ૧૧ : કોરોના મહામારીના સમયમાં બનાસકાંઠાના પાલનપુરમાંથી બે પિસ્તોલ અને એક કારતુસ સહિત એક શખ્સની અટકાયત કરી છે ઝડપાયેલ શખ્સ બનાસકાંઠા, પાટણ અને મહેસાણા જિલ્લામાં અનેક ગુનાઓમાં સંડોવાયેલા હોવાનું બહાર આવ્યું છે. જે મામલે પાલનપુર પોલીસે વધુ તપાસ હાથ ધરી છે.

બનાસકાંઠા જિલ્લા એલસીબી અને એસઓજીની ટીમ આજે પેટ્રોલિંગમાં હતી તે સમયે પાલનપુરના માલણ દરવાજા પાસે એક  શખ્સ પિસ્તોલ સાથે ઉભો હોવાની બાતમી મળતા ટીમોએ તપાસ હાથ ધરી હતી.

અને માલણ દરવાજા પાસે ઉભેલા મોહમ્મદ તાહિર મહમદ રફીક સૈયદની તલાશી લેતા તેની પાસેથી દેશી બનાવટની બે પિસ્તોલ અને એક જીવતો કારતુસ મળી આવ્યો હતો. બે પીસ્તોલ અને એક જીવતા કારતુસ સહિત કુલ ૪૯૪૦૦ રૂપિયાનો મુદામાલ જપ્ત કર્યો છે.

જ્યારે મોહમ્મદ તાહિરની પ્રાથમિક પૂછપરછ કરતા ૨૦૧૮માં પાટણ અને મહેસાણામાં પણ આંગડિયા પેઢી લૂંટ, ફાયરિંગ અને હથિયારના ૭ જેટલા ગુન્હાઓમાં સંડોવાયેલો હોવાનું જાણવા મળ્યું હતું. જેથી પાલનપુર પોલીસે ઝડપાયેલા શખ્સની અટકાયત કરી તેની સામે આર્મ્સ એક્ટ મુજબ ગુનો નોંધ્યો છે.

જ્યારે પકડાયેલા આરોપી કોઈ નવા કોઈ ગુન્હાને અંજામ આપનાર હતો કે કેમ અને આ પિસ્તોલ અને કારતૂસ ક્યાંથી લાવ્યો હતો તે દિશામાં પણ પોલીસે વધુ તપાસ હાથ ધરી છે.

(9:09 pm IST)
  • કોરોનાનો કહેર વધતા ઈરાનમાં 10 દિવસનું લોકડાઉન જાહેર: ઓફિસમાં તેના ત્રીજા ભાગના કર્મચારીઓની હાજરીનો આદેશ: તેહરાન અને દેશના 250 અન્ય શહેરો અને નગરોને ‘રેડ ઝોન’ તરીકે ઘોષિત કરાયા : તમામ ઉદ્યાનો, રેસ્ટોરાં, બેકરીઓ, બ્યુટી પાર્લરો અને મોલ્સ પણ લોકડાઉન હેઠળ આવશે.: શનિવારે ઈરાનમાં 19,600 થી વધુ નવા કેસ નોંધાયા : 193 દર્દીઓનાં મોત નીપજ્યાં access_time 12:56 am IST

  • રાજકોટ શહેર - જિલ્લામાં કોરોનાનો વણથંભ્યો આતંક : આજે સાંજ સુધીમાં રાજકોટ શહેરમાં 405 અને ગ્રામ્યના 70 કેસ સાથે કુલ 475 નવા કોરોના ના કેસ નોંધાયા access_time 7:28 pm IST

  • પરિમલ નથવાણી અલગ મિજાજમાં: રિલાયન્સ ઇન્ડસ્ટ્રીઝના કોર્પોરેટ ડાયરેક્ટર અને આંધ્રના રાજ્યસભાના સભ્ય શ્રી પરિમલભાઈ નથવાણી નવરાશની પળોમાં એક અલગ જ મિજાજમાં નજરે પડે છે.. રવિવાર સવારનો સમય તેમણે શરીરની ચુસ્તી-સ્ફુર્તિ જાળવવામાં પસાર કર્યો હતો. access_time 10:37 pm IST