Gujarati News

Gujarati News

News of Wednesday, 9th October 2019

ગાંધીનગરમાં બપોરના સમયે શેરથા નજીક એક જ કોમના બે જૂથ બાખડ્યા: સામસામે હુમલામાં ચાર ગંભીર રીતે ઈજાગ્રસ્ત

ગાંધીનગર: જિલ્લામાં આમ તો નવરાત્રી શાંતિપૂર્ણ માહોલમાં સંપન્ન થઈ હતી ત્યારે આજે બપોરના સમયે શહેર નજીક આવેલા શેરથા ગામમાં ગરબા દરમ્યાન વીડીયો ઉતારવા જેવી બાબતમાં એક જ કોમના બે જુથ સામસામે આવી ગયા હતા. લાકડીઓ સાથે ઉતરી પડેલા ટોળાની અથડામણમાં ચાર વ્યક્તિ ઘાયલ થઈ હતી. જેમને સારવાર માટે ખસેડવામાં આવી હતી. તો આ ઘટના અંગે અડાલજ પોલીસને જાણ થતાં મોટો પોલીસ કાફલો ગામમાં ઉતારી દેવામાં આવ્યો હતો. હાલ બન્ને પક્ષે ફરિયાદ લેવાની કામગીરી ચાલી રહી છે. 

ગાંધીનગર જિલ્લામાં નવરાત્રી દરમ્યાન કયાંય પણ કોઈ મોટી અનિચ્છનિય ઘટના બનવા પામી નથી ત્યારે જિલ્લા પોલીસે પણ હાશકારો અનુભવ્યો છે. ત્યારે આજે બપોરના સમયે શહેર નજીક આવેલા શેરથા ગામમાં ધીંગાણુ સર્જાતાં પોલીસ દોડતી થઈ હતી. આ ઘટનાની મળતી વિગતો પ્રમાણે શેરથા ગામે ઠાકોર સમાજના મહોલ્લા આગળ ગરબા ચાલુ હતા તે દરમ્યાન કેટલાક યુવાનો ગરબાનો વીડીયો ઉતારી રહયા હતા. જેના પગલે કેટલાક યુવાનોએ તેમને ટોકયા હતા અને વીડીયો નહીં ઉતારવા માટે કહયું હતું. જેના પગલે આ યુવાનો વચ્ચે માથાકુટ થઈ હતી અને તેના પગલે આ કોમના બન્ને જુથો સામસામે આવી ગયા હતા. થોડીવારમાં લાકડીઓ અને ધોકા સાથે મારામારી શરૂ થઈ જતાં સમરાંગણ જેવો માહોલ સર્જાયો હતો. 

(5:50 pm IST)
  • ડેન્ગ્યુથી એક બાળકનુ મોતઃ તંત્ર અજાણ : શહેરમાં મચ્છરજન્ય રોગચાળો ડેન્ગ્યુ અને મેલેરીયાએ માઝા મુકી છે ત્યારે એક ૧૪ વર્ષનાં બાળકનું ડેન્ગ્યુને કારણે મોત થયાનું જાણવા મળ્યુ છે access_time 4:01 pm IST

  • વડોદરાના આજવા પાર્કમાં ૯ ફૂટનો મગર મળયો : રહેણાંક વિસ્તારમાં નીકળેલા મગરને પ્રાણી ક્રૂરતા વિભાગે પકડી અને વન વિભાગને સોંપ્યો access_time 6:18 pm IST

  • દિલ્હી-એનસીઆરમાં ડીઝલ જનરેટરના ઉપયોગ પર પ્રતિબંધ લાગશે : પ્રદુષણ-પર્યાવરણ નિયંત્રણ બોર્ડે 15મી ઓક્ટોબરથી ગ્રૅન્ડેડ રિસ્પોન્સ પ્લાન લાગુ કરવા નિર્ણંય કર્યો : 15મી ઓક્ટોબરથી 15 માર્ચ સુધી લાગુ રહેશે : આ સમય દરમિયાન ડીઝલ જનરેટરનો વપરાશ કરી શકાશે નહીં : બોર્ડે 15 ઓક્ટોબર સુધીમાં રસ્તાના ગાબડાં ભરવા પણ આદેશ કર્યો access_time 1:12 am IST