Gujarati News

સુરતમાં એમ્બ્રોઇડરીના કારીગરોએ રવિવારની રજા નહીં મળતા વિફર્યા હતા અને રસ્તા પર ઉતરીને  પથ્થરમારો કર્યો હતો  સુરતના પુણા ખાતે એમ્બ્રોડરીના કારખાનાના કારીગરો દ્વારા જે રીતે તોડફોડ કરવામાં આવી છે

  જોકે પોલીસે 60 લોકોની અટકાયત કરી છે.એમ્બ્રોડરીના કારખાનામાં રવિવારની રજા ન હોવાથી કારીગરોમાં રોષ જોવા મળ્યો. પુણાની ભવાની ઇન્દ્રસ્ટ્રીઝમાં મોટી સંખ્યા કારીગરો કારખાના બંધ કરાવવા નીકળ્યા હતા. બે થી ત્રણ કારખાના પર પથરમારો કરી કાચ પણ તોડવામાં આવ્યા હતા

અંદાજે બે હજારથી વધુ કારીગરો બંધ કરાવવા નીકળ્યા. ઘટનાની જાણ થતા પોલીસ દોડી આવી હતી. અને મામલો થાળે પાડ્યો હતો.જોકે પોલીસને જોતા તોફાની ટોળાએ પોલીસ વાહન પર પણ પથ્થરમારો કર્યો હતો. પરિસ્થિતી તંગ થતી જોઇને ઉચ્ચ પોલીસ અધિકારીઓનો કાફલો દોડી આવ્યો હતો.

જો કે પોલીસના હાથ જે પણ પથ્થરબાજ કારીગર લાગ્યા પોલીસે તેઓની પણ બરાબરાની સરભરા કરીને પોલીસ ડબ્બામાં બેસાડી દીધા હતા. તોડફોડ કરનારા તત્વો સીસીટીવીમાં કેદ થયા છે. તેઓએ એમ્બ્રોડરીના ખાતાએ જઈને બંધ કરવાનો પ્રયાસ કર્યો હતો. સીસીટીવીના દ્રશ્યો સામે આવ્યા છે.તેમાં કેટલાક શખ્સો હાથમાં લાકડાના ફટકા અન સળીયા સળિયા લઈ જતા જોવા મળ્યા છે.