Gujarati News

વાપી, તા. ૧૦ : વાપીના સલવાવમાં એક બાંધકામની સાઇટ પર ફાયરિંગની ઘટના બનતા સનસનાટી મચી જવા પામી છે.

મળતી વિગત મુજબ ૧૦થી વધુ લોકોના ટોળાએ સાઇટમાં ઘુસીને હંગામો મચાવ્યો હતો. ફાયરિંગની ઘટનામાં બિલ્ડર નિશાના પર હોવાની ચર્ચા છે. હુમલાખોરોએ ૨ રાઉન્ડ ફાયરિંગ કર્યુ હતુ. જો કે કોઈને ઈજા થઇ નહોતી. ફાયરિંગથી દોડધામ મચી હતી.

વધુમાં મળતી વિગત મુજબ ફાયરિંગ કરનાર શખ્સો વાહન મૂકીને ફરાર થઇ ગયા હતા. પોલીસ કાફલો ઘટના સ્થળે પહોંચ્યો હતો. ઘટના સ્થળ પરથી કારતૂસ પણ મળી આવ્યા હતા.