Gujarati News

Gujarati News

News of Wednesday, 10th February 2021

કોરોના ઇફેકટઃ જેઇઇ મેઇન પરીક્ષા આપવા માટે ધો.૧ર પાસ હોવુ જરૂરીઃ એનટીએ

અમદાવાદ, તા., ૧૦: કોરોના મહામારીની અસર તમામ ક્ષેત્રે જોવા મળી રહી છે. ત્યારે હવે જેઇઇ મેઇન પરીક્ષા આપવા માટે નેશનલ ટેસ્ટીંગ એજન્સીએ થોડાક જરૂરી સુધારાઓ કર્યા છે. જેમાં જેઇઇ- મેઇન પરીક્ષા આપવા માટે ફકત ધો.૧ર પાસ હોવું જરૂરી ગણાવ્યું છે.

કોરોના મહામારીને કારણે નેશનલ ટેસ્ટીંગ એજન્સીએ ર૦ર૧-રરના શૈક્ષણીક વર્ષ માટે જેઇઇ-મેઇન આપવા માટેની લઘુતમ લાયકાત ધો.૧ર માં ૭પ ટકા હતી તેને દુર કરીને હવે માત્ર ધો.૧ર પાસ કરી છે. આ વર્ષે મોટી સંખ્યામાં ધો.૧ર પાસ વિદ્યાર્થીઓ ઇચ્છે તો જેઇઇ-મેઇન આપી શકશે. આ માટે ઓલ ઇન્ડીયા કાઉન્સીલ ફોર ટેકનીકલ એન્ડકેશન જયાં સુધી સતાવાર નોટીફીકેશન જાહેર નહી કરે ત્યાં સુધી અન્ય ઇજનેરી કોલેજોને આ લાભ મળશે નહી.

નેશનલ ટેસ્ટીંગ એજન્સીએ તાજેતરમાં પબ્લીક નોટીસ જાહેર કરીને જણાવ્યું છે કે જેઇઇ-મેઇન આપવા માટે લાયકાત હવે માત્ર ધો.૧ર રહેશે.

(3:21 pm IST)
  • મહાકાલેશ્વર મંદિરની ભસ્મ આરતીના દર્શન 15 માર્ચથી કરી શકાશે : ઉજ્જૈનમાં આવેલા સુપ્રસિદ્ધ જ્યોતિર્લિંગ મહાકાલેશ્વરમાં દરરોજ સવારે થતી ભસ્મ આરતીમાં દર્શનાર્થીઓને શામેલ થવા દેવા કમિટીનો નિર્ણય : શયન આરતીના દર્શનનો સમય રાત્રીના 10-15 વાગ્યા સુધીનો કરાયો access_time 6:42 pm IST

  • દેશમાં કોરોના થાક્યો :નવા કેસ કરતા સ્વસ્થ થનારની સંખ્યામાં વધારો:એક્ટિવ કેસના આંકમાં સતત ઘટાડો: રાત્રે 11 વાગ્યા સુધીમાં કોરોનાના નવા 12,169 કેસ નોંધાયા :કુલ કેસની સંખ્યા 1, 08,70,555 થઇ :એક્ટિવ કેસ 1,39,477 થયા: વધુ 11,441 દર્દીઓ સ્વસ્થ થતા કુલ 1,05, 71, 062 થયા : વધુ 94 લોકોના મોત સાથે કુલ મૃત્યુઆંક 1,55,375 થયા access_time 1:03 am IST

  • અધીર રંજન વિરૂધ્ધ વિશેષાધીકાર ભંગનો ઠરાવ સંસદમાં મૂકાયો : ગ્રેગ થનબર્ગ ઉપર નિવેદન કરવા અંગે ભાજપના સાંસદ પી.પી.ચૌધરીએ કોંગ્રેસના સાંસદ અધીર રંજન ચૌધરી વિરૂધ્ધ વિશેષાધીકાર ભંગની દરખાસ્ત લોકસભામાં રજૂ કરી છે. access_time 11:29 am IST