Gujarati News

Gujarati News

News of Friday, 9th April 2021

ગાંધીનગરમાં સે-7/8 નજીક બપોરના સુમારે બનાસકાંઠાના યુવાનને અજાણ્યા વાહને હડફેટે લેતા ગંભીર ઇજાથી મોત નિપજતા અરેરાટી મચી જવા પામી

ગાંધીનગર:શહેરમાં છેલ્લા થોડા સમયથી અકસ્માતની ઘટનાઓ વધી રહી છે. રોકેટગતિએ દોડતા વાહનો અકસ્માત સર્જીને ફરાર થઈ રહયા છે ત્યારે ચ-માર્ગ ઉપર વધુ એક અકસ્માતમાં આશાસ્પદ યુવાનનું મોત નીપજયું છે. જે ઘટના અંગે મળતી વિગતો પ્રમાણે મુળ બનાસકાંઠાના કાંકરેજ તાલુકાના ઈશરવા ગામનો યુવાન નિકુલકુમાર રામચંદભાઈ પ્રજાપતિ ગાંધીનગરમાં સે-ર ખાતે રહીને મિત્રો સાથે સ્પર્ધાત્મક પરીક્ષાની તૈયારી કરતો હતો. ગઈકાલે નિકુલ તેનું મોપેડ નં.જીજે-૧૮-ડીએ-ર૦૪૯ લઈને સે-ર૧માં કોરોનાનો ટેસ્ટ કરાવવા જઈ રહયો હતો. તે દરમ્યાન ચ-રોડ ઉપર સે-૭/૮ના કટ પાસે કોઈ અજાણ્યો વાહનચાલક નિકુલના મોપેડને અડફેટે લઈ ફરાર થઈ ગયો હતો. આ અકસ્માતના કારણે નિકુલ નીચે પટકાયો હતો અને શરીરે ગંભીર ઈજાઓ પહોંચી હતી. જેથી ૧૦૮ એમ્બયુલન્સ મારફતે તેને તાત્કાલિક સારવાર માટે ગાંધીનગર સીવીલ હોસ્પિટલ લઈ જવાયો હતો જયાં ફરજ પરના તબીબે તેને મૃત જાહેર કર્યો હતો. આ અકસ્માતની ઘટનાના પગલે મૃતકના પિતરાઈ ભાઈ અનીલકુમાર પ્રજાપતિની ફરીયાદના આધારે સે-૭ પોલીસે અજાણ્યા વાહનચાલક સામે ગુનો નોંધી તેને પકડવા દોડધામ શરૃ કરી છે.  

(5:11 pm IST)
  • અક્ષરધામ મંદિર ૩૦મી સુધી બંધ : કોરોનાની મહામારીના પગલે ગાંધીનગર સ્થિત વિશ્વ સુપ્રસિદ્ધ અક્ષરધામ મંદિર દર્શનાર્થીઓ માટે ૩૦ એપ્રિલ સુધી બંધ કરી દેવામાં આવ્યુ છે access_time 3:56 pm IST

  • LinkedIn સોશિયલ મીડિયા ઉપરના ૫૦ કરોડ યૂઝર્સનો ડેટા લીક થતા વિશ્વભરમાં સનસનાટી : સોશિયલ મીડિયાની જગપ્રસિદ્ધ LinekIn સાઇટ ઉપરના ૫૦ કરોડ જેટલા યુઝર્સના પર્સનલ ડેટા ઓનલાઇન લીક થયા છે. આટલી મોટી માત્રામાં પર્સનલ ડેટા લીક થતા મોટો ખળભળાટ મચી ગયો છે. યુઝર્સના પૂરા નામ, આઇડી, ઈ-મેલ એડ્રેસ, ફોન નંબર, અને બીજી અંગત વિગતો લીક થઈ ગયેલ છે. ઈટાલિયન ખાનગી વોચ ડોગ એજન્સીએ linkedin ડેટા ચોરી અંગે તપાસ શરૂ કરી દીધી છે. access_time 11:16 am IST

  • દિલ્હીની ગંગારામ હોસ્પિટલના ૩૭ ડોકટરોને કોરોના પોઝીટીવ આવતા મુખ્યમંત્રી અરવિંદ કેજરીવાલે હોસ્પિટલના ચેરમેન ડો.રાણાને તાકીદે બોલાવ્યા છે access_time 3:55 pm IST