Gujarati News

આણંદ:નજીક આવેલા જોળ ગામના કૃષ્ણનગર, આંબલા વિસ્તારમાં બાથરૂમની ઓરડી ખસેડી લેવાની બાબતે ચાર શખ્સોએ તકરાર કરીને સાસુ-પુત્રવધુને માર મારીને જાનથી મારી નાંખવાની ધમકી આપતાં આ અંગે વિદ્યાનગર પોલીસે ગુનો દાખલ કરીને તપાસ હાથ ધરી છે.

મળતી વિગતો અનુસાર ફરિયાદી મધુબેન ભાનુભાઈ પરમારના ઘરની બાજુમાં મેલાભાઈ શનાભાઈની ૪ ગુંઠા જમીન આવેલી છે જેમાં તેઓએ બાથરૂમની ઓરડી બનાવી હતી. પરંતુ ત્યારબાદ મેલાભાઈએ આ જમીન બીજી વ્યક્તિને વેચી મારી હતી. દરમ્યાન નજીકમાં જ રહેતા મગનભાઈ સાથે તેમને આ બાબતે ઝઘડાઓ ચાલતા હતા.