Gujarati News

એસટી બસના મહત્તમ ઉપયોગ અને ખર્ચ અંગે ચોંકાવનારો ખુલાસો

રાજ્ય સરકારના કાર્યક્રમમાં એસટી બસોના મહત્તમ ઉપયોગ અને ખર્ચને લઈને ખુલાસો થયો છે.

છેલ્લા બે વર્ષ દરમિયાન સરકારી કાર્યક્રમમાં 47 હજાર 41 બસો દોડાવવામાં આવી. પરંતુ હજુ ભાડાની પૂરી રકમ ચૂકવવામાં આવી નથી. બે વર્ષમાં 33 જિલ્લાની 22 કરોડ 78 લાખ રૂપિયા જેટલી ભાડાની રકમ સરકારે એસટી નિગમને ચુકવી નથી. બે વર્ષ દરમિયાન સૌથી વધારે અમદાવાદ જિલ્લામાંથી ૫,૪૧૩ એસટી બસો સરકારી કાર્યક્રમોમાં દોડાવાઈ છે. તો ભરૂચમાંથી બે વર્ષમાં ૫,૩૧૮ અને વડોદરામાંથી ૪,૩૩૫ બસો દોડાવાઈ છે.