Gujarati News

અમદાવાદઃ ભુજમાં ક્લેકટરપદે ફરજ બજાવી ગયેલા પ્રદીપ શર્મા ઉપર જે-તે વખતે ૪ કંપનીઓને ફાયદો કરાવી સસ્‍તા ભાવે જમીન આપી દીધાના આરોપ લાગ્યો હતો. તેઓની ACBએ જેલમાંથી ધરપકડ કરી છે. અપ્રમાણસર મિલ્‍કત બાબતે આ કાર્યવાહી થયાની અટકળો લગાવાઇ રહી છે.

આ ધરપકડના કારણે ગુજરાત હાઈકોર્ટનાં આદેશનો પણ અનાદર થયો છે કારણ કે ગઇકાલે જ હાઈકોર્ટે પ્રદીપ શર્માને જામીન આપ્યા છે.

હાઇકોર્ટે EDનાં મની લોન્ડરિંગ કેસમાં છેલ્લા દોઢ વર્ષથી સાબરમતી જેલમાં રહેલા પ્રદીપ શર્માને  જામીન આપ્યા હતા. પ્રદીપ શર્મા પર અલગ અલગ 8 જેટલા કેસ દાખલ કરવામાં આવ્યા છે જે તમામ કેસમાં શર્માને જામીન મળ્યા છે.

ગુજરાતમાં ન્યાયિક અને ક્રાઈમની આ પ્રકારની આ પ્રથમ ઘટના છે કે જેમાં જામીન આપવામાં આવ્યા હોવા છતાં ધરપકડ કરવામાં આવી હોય.

નોંધનીય છે કે પ્રદીપ શર્મા ભૂજ કલેક્ટર હતા ત્યારે 4 કંપનીઓને ફાયદો કરાવી સસ્તા ભાવે જમીન પધરાવી દીધાનો તેમના પર આરોપ લાગ્યો હતો. જેમના કારણે સરકારની તીજોરીને નુકસાન થયું હતુ. એ સીવાય તેઓએ આ કંપનીમાં તેમની પત્નીને પણ ભાગીદાર બનાવી હતી. અને વિદેશમાં રહેતી પત્નીનાં ખાતામાં લાખોની રકમ જમાં કરાવી હતી.