Gujarati News

Gujarati News

News of Thursday, 8th March 2018

બનાસકાંઠના સમરવાડા ગામની શાળામાં ધો.૩ના વિદ્યાર્થીને શિક્ષીકાઅે ઢોર માર માર્યોઃ વાલીઅે ફોન કરતા શિક્ષીકા લાજવાના બદલે ગાજવા માંડી

બનાસકાંઠના સમરવાડા ગામની શાળામાં ધો.૩ના વિદ્યાર્થીને શિક્ષીકાઅે ઢોર માર માર્યોઃ વાલીઅે ફોન કરતા શિક્ષીકા લાજવાના બદલે ગાજવા માંડી

બનાસકાંઠાઃ ધાનેરા તાલુકાના સામરવાડા ગામની આનંદપુરા પ્રાથમિક શાળામાં ધોરણ-3માં અભ્યાસ કરતા જીગર નામના બાળકને શાળામાં ફરજ બજાવતી શિક્ષિકા ગીતાબેન દ્વારા ઢોર માર મારતા વાલીઓ રોષે ભરાયા હતાં. શિક્ષિકાને વાલીએ ફોન કરતા શિક્ષિકા લાજવાને બદલે ગાજવા માંડી હતી. જણાવ્યું હતું કે તારૂ બાળક મરી તો નથી ગયું ને, લાગ્યું હોય તો દવા કરાવી લે, પૈસા હું આપી દઈશ.

બાળક રડતું રડતું ઘરે ગયું અને તેના પરિવારને જણાવ્યું કે, મને માર્યો છે ત્યારે પરિવાર દ્વારા બાળકના કપડાં ઉતરાવી ચેક કરતા બાળકના શરીર ઉપર સોટી ઉફી આવી હતી. ત્યારે બાળકને તાત્કાલિક સારવાર અર્થે ધાનેરાની રેફરલ હોસ્પિટલમાં સારવાર અર્થે લાવ્યું હતું.

અમારી ટીમ દ્વારા પણ શાળાની મુલાકાત લેતા શાળાના આચાર્ય ગેર હાજર જોવા મળ્યા હતા. તેમને ટેલીફોટિક વાત કરી બાબતે પૂછતાં તેમને બાબતે પુછાતા જવાબ આપવાનું ટાળ્યું હતું. કામમાં છું તેમ કહી ફોન મૂકી દીધો હતો. ત્યારે જો આમ શિક્ષકો દ્વારા બાળકો ઉપર અત્યાચાર ગુજારવામાં આવશે તો ક્યાંક બાળકો અભ્યાસથી વંચિત રહી જાય તો પણ કોઈ નવાઈની વાત નથી.

(8:45 pm IST)
  • ઉત્તર પ્રદેશ સમાજવાદી પક્ષના ઉમેદવાર જયા બચ્ચને શુક્રવારે રાજ્યસભા માટે નામાંકન ભર્યું છે. તેમણે વિધાનસભાના સેન્ટ્રલ હોલમાં નોમિનેશન દાખલ કર્યું હતું. આ દરમિયાન સ.પા.ના પ્રમુખ અખિલેશ યાદવના પત્ની સાંસદ શ્રીમતી ડિમ્પલ યાદવ, સ.પા.ના ઉપપ્રમુખ કિરણ મય નંદા, સ.પા.ના રાષ્ટ્રીય સચિવ રાજેન્દ્ર ચૌધરી અને સહારા ગ્રૂપના ચેરમેન સુબ્રતા રોય સહારા પણ હાજર રહ્યા હતા. access_time 8:42 pm IST

  • સુરેન્દ્રનગરના રળોલ ગામે સેન્ટ્રીંગનું કામ કરતા 7 મજૂરોને વીજશોક :એકનું મોત access_time 12:09 am IST

  • પાકિસ્તાનને અમેરિકાનો વધુ એક ઝટકો : 3 આતંકવાદીઓ પર જાહેર કર્યા 70 કરોડના ઈનામ : મુલ્લા ફઝલુલ્લાહ પર 5 મિલિયન ડૉલર (લગભગ 32 કરોડ રૂપિયા) અને બાકીના બંને અબ્દુલ વલી અને મનાલ વાઘ પર ત્રણ-ત્રણ મિલિયન ડોલર (એટલે કે 19-19 કરોડ)નું ઈનામ રાખવામાં આવ્યું છે. access_time 1:16 pm IST