Gujarati News

Gujarati News

News of Saturday, 8th February 2020

અમદાવાદમાં નવ ફેબ્રુઆરીએ ગ્રીન મેરેથોનનું આયોજન થયું

રિવરફ્રન્ટમા ગ્રીન મેરેથોનમાં મોંગિયા પહોંચશે : ગ્રીન મેરેથોનમાં ૬૫૦૦થી વધુ લોકો ભાગ લે તેવી વકી

અમદાવાદ, તા.૭ :  અમદાવાદ શહેરમાં તા.૯મી ફેબ્રુઆરીના રોજ સાબરમતી રિવરફ્રન્ટ ખાતે એસીબીઆઇ દ્વારા ગ્રીન મેરેથોનની તેની ત્રીજી એડિશન યોજવા જઇ રહ્યું છે. જેમાં આશરે ૬૫૦૦થી વધુ લોકો ભાગ લેશે. નોંધનીય વાત એ છે કે, આ પ્રેરણારૂપ ઇવેન્ટમાં શુભેચ્છા પાઠવવાના ભાગરૂપે ભારતીય ટીમના પૂર્વ વિકેટકિપર નયન મોંગીયા ખાસ પધારશે. ગ્લોબલ વોર્મીંગ અને પર્યાવરણ સામે વધી રહેલા ખતરાને જોતાં સમાજમાં પર્યાવરણ જાળવણી અને આપણી ભાવિ પેઢીના સુખાકાર યુક્ત જીવન માટેની ઉજવણી માટે સ્ટેટ બેન્ક ઓફ ઇન્ડિયા દ્વારા એસબીઆઇ ગ્રીન મેરેથોનનની ૩જી આવૃત્તિનું આયોજન કરવામાં આવ્યું છે. બેન્કની એન્યુઅલ ફ્લેગશીપ ઇવેન્ટ અમદાવાદ ખાતે તા. ૯ ફેબ્રુઆરી ૨૦૨૦ના રોજ યોજાશે. જેમાં બેન્ક દ્વારા સવારે પાંચ વાગ્યાથી સાબરમતી રિવર ફ્રન્ટ ખાતે ૫ કિમી, ૧૦ કિમી, ૨૧ કિમી રનનું આયોજન કરવામાં આવ્યું છે.

             એસબીઆઇ ગ્રીન મેરેથોનની ૧૫ સીટીમાં યોજાઇ રહેલી ૩જી આવૃત્તિમાં ભોપાલ, પટના, જયપુર, કોલકાતા, ચંદીગઢ, મુંબઇ અને નવી દિલ્હી ઉપરાંત લખનૌ, ગુવાહાટી, થિરુવન્થપુરમ, બેન્ગલોર, ભુવનેશ્વર, હૈદરાબાદ અને ચેન્નાઇનો પણ સમાવેશ થાય છે. એસબીઆઇ જનરલ ઇન્સ્યોરન્સ એ એસબીઆઇ ગ્રીન મેરેથોનની હેલ્થ પાર્ટનર છે. જેમાં એસબીઆઇ લાઇફ અને એસબીઆઇ મ્યુચ્યુઅલ ફંડ્સ પણ આ ઝીરો વેસ્ટ ઇવેન્ટમાં નોંધપાત્ર ફાળો આપી રહ્યા છે. તા.૯મી ફેબ્રુઆરીની ગ્રીન મેરેથોન ઇવેન્ટમાં આશરે ૬૫૦૦થી વધુ લોકો ઉત્સાહભરે ભાગ લેશે. આ પ્રસંગે ભારતીય ટીમના પૂર્વ વિકેટકિપર નયન મોંગીયા સ્પર્ધકોને શુભેચ્છા પાઠવવા માટે ખાસ હાજરી આપનાર છે.

(9:48 pm IST)
  • જામનગરમાં હોટેલમાં રૂમ ભાડે રાખી ચાલતા વેશ્યાવૃતિના નેટવર્ક નો પર્દાફાશ : પોલીસના દરોડામાં એક મહિલા , એક ગ્રાહક અને સંચાલકની ધરપકડ : જો કે મુખ્ય સંચાલક હાજર નહીં મળતા ફરાર જાહેર: સીટી બી-ડિવીઝન PI રાઠોડ સહિતના સ્ટાફે દરોડો પાડ્યો access_time 12:32 am IST

  • ટ્રમ્પ તાજના પણ કરશે દીદાર : અમેરિકાના રાષ્ટ્રપતિ ડોનાલ્ડ ટ્રમ્પ આવતા મહિનાના અંતમાં ભારતના પ્રવાસે આવી રહ્યા છે : તેઓ અમદાવાદ- દિલ્હી - આગ્રા જાય તેવી શક્યતા છે : આગ્રામાં તેઓ તાજના દીદાર કરે તેવી વકી છે . ૨૩ થી ૨૬નો તેમના કાર્યક્રમ મનાય છે : અમદાવાદ માં હાઊડી મોદી જેવા કાર્યક્રમમાં પણ તેઓ ભાગ લેશે access_time 11:32 am IST

  • શંકરાચાર્ય મહારાજ સ્વરૂપાનંદજીએ કહ્યું કે આરએસએસ-વિશ્વ હિન્દૂ પરિષદ સનાતન ધર્મને બગાડવાનું કાર્ય કરી રહ્યાં છે,તેમણે કહ્યું કે રામ જન્મભૂમિ તીર્થક્ષેત્ર ટ્રસ્ટમાં સરકારી વ્યક્તિ સામેલ છે જે મંદિર બનાવી શકે નહીં,ભગવાન શિવે જે સ્વરૂપના દર્શન કર્યા હતા તે રામલલાની પ્રતિમા સ્થાપિત કરવી જોઈએ access_time 11:22 pm IST