Gujarati News

Gujarati News

News of Wednesday, 8th January 2020

ગુજરાત લેન્ડ બેન્ક પોર્ટલ ઉદ્યોગ-રોકાણકારોને ઓનલાઇન જમીન શોધવામાં મદદ મળશે : વિજયભાઇ રૂપાણી

ગુજરાત સરકારની ''ઇઝ ઓફ ડુંઇગ બિઝનેશ ક્ષેત્રે વધુ એક નવતર પહેલ''

ગાંધીનગર : મુખ્યમંત્રી શ્રી વિજયભાઇ રૂપાણીના હસ્તે ગુજરાત લેન્ડ બેન્ક પોર્ટલ લોન્ચ કર્યુ હતું.

ગાંધીનગર, તા. ૮ : ગુજરાતનાં મુખ્યમંત્રી વિજયભાઈ રૂપાણીનાં નેતૃત્વમાં ગુજરાતે ઈઝ ઓફ ડુંઈગ બિઝનેસ ક્ષેત્રે આજે વધુ એક નવતર પહેલ કરી છે. ગુજરાતમાં ઉદ્યોગ સ્થાપવા ઉત્સુક વૈશ્વિક રોકાણકારોને પોતાનો ઉદ્યોગ સ્થાપવા માટે પારદર્શી પદ્ઘતિએ ઓનલાઈન જમીન શોધવા માટે મદદરૂપ થવા ગુજરાત લેન્ડ બેન્ક પોર્ટલનું ગાંધીનગરમાં વિજયભાઈ રૂપાણીએ લોન્ચિગ કર્યું હતું. આ લેન્ડ બેન્ક પોર્ટલની મદદથી વૈશ્વિક રોકાણકારોને ગુજરાતમાં પોતાનો ઉદ્યોગ સ્થાપવા માટે સ્થળ અને જમીન પસંદગીની પારદર્શી અને ત્વરિત સુવિધા મળતી થશે. આ પોર્ટલ પર રાજયના જીઆઈડીસી, ધોલેરા એસઆઈઆર, પ્રાઈવેટ ઈન્ડ્રસ્ટ્રીયલ પાર્ક અને લોજીસ્ટીક પાર્ક વગેરેમાં ઉપલબ્ધ જમીનની માહિતી ઉપલબ્ધ રહેશે. આમ, રૂપાણી સરકારે ઓનલાઈન ઈઝ ઓફ ડુઈંગ બિઝનેસ ક્ષેત્રે વધુ એક મુકામ હાંસલ કર્યું છે.

મુખ્યમંત્રી વિજયભાઈ રૂપાણીએ લોન્ચ કરેલા ગુજરાત લેન્ડ બેન્ક પોર્ટલ દ્વારા રાજયમાં જીઆઈડીસી, ધોલેરા એસઆઈઆર, પીસીપીઆઈઆર, એસઈઝેડ તેમજ પ્રાઈવેટ ઈન્ડ્સ્ટ્રીયલ પાર્ક અને લોજીસ્ટીક પાર્ક વગેરેમાં ઉપલબ્ધ જમીનની માહિતી ઓનલાઈન વન કિલક પર પૂરી પાડવામાં આવશે. આ ઉપરાંત ઉદ્યોગ રોકાણકારોને જે-તે સ્થળની આસપાસની ઈન્ફ્રાસ્ટ્રકચર સુવિધાઓ જેમાં રેલ, રોડ, એરપોર્ટ, પોર્ટ, પાવર, વોટર અને ગેસ ગ્રીડ નેટવર્ક તેમજ આઈટીઆઈ, શાળાઓ અને હોસ્પિટલ્સ જેવી સુવિધાઓઓની ઉપલબ્ધિની પણ જાણકારી પૂરી પાડવામાં આવશે. આ લેન્ડ બેન્કના પોર્ટલની સુવિધાથી વૈશ્વિક રોકાણકારો ગુજરાતમાં ઔદ્યોગિક રોકાણ કરવા આવતા પહેલાં જ સ્થળ પસંદગી કરી શકશે અને જમીન શોધવા માટે તેમને જે સમય જાય છે તે બચતા વેળાસર પોતાના ઉદ્યોગો ગુજરાતમાં શરૂ કરી શકશે. અને આ પ્રકારે દુનિયાનાં ખૂણેખૂણામાંથી ઉદ્યોગકારો ગુજરાતમાં જમીન ખરીદી અહીં રોકાણ કરશે તેમજ ગુજરાતનાં વિકાસમાં પોતાની ભાગીદારી નોંધાવશે.

(4:24 pm IST)
  • ઈરાનમાં બે કલાકમાં ૪.૯ અને ૫.૫ની તીવ્રતાના ભૂકંપના આંચકા આવ્યા છે access_time 1:01 pm IST

  • વડોદરામાં એનએસયુઆઈ કાર્યકરો અને પોલીસ વચ્ચે ઘર્ષણ : ૩૫થી વધુ કાર્યકરોની અટકાયત : અમદાવાદમાં એબીવીપીના કાર્યકરો દ્વારા થયેલ હુમલાના વિરોધ પ્રદર્શન માટે સરદાર પટેલ પ્રતિમા પાસે રેલી દરમિયાન એનએસયુઆઈના કાર્યકરો અને પોલીસ વચ્ચે ઘર્ષણ થયુ હતું access_time 5:18 pm IST

  • 27 ઉદ્યોગપતિઓને મળ્યા સીએમ ઉદ્ધવ ઠાકરે : કહ્યું મહારાષ્ટ્રને આગળ લાવવું છે :ઉદ્યોગપતિઓને પરેશાન થવા દઈશું નહીં : રોકાણ માટે બહેતર માહોલ બનાવશું : સમસ્યાના ઉકેલની આપી ખાતરી access_time 1:25 am IST