Gujarati News

Gujarati News

News of Thursday, 6th December 2018

વાપી નજીક છીરીમાં પાડોશી બે નરાધમોએ 12 વર્ષીય બાળાને હવસનો શિકાર બનાવતા અરેરાટી

વા૫ી: નજીકના છીરી ગામે ૧૨ વર્ષીય બાળકી પર નજીકમાં રહેતા બે નરાધમોએ સામૂહિક બળાત્કાર ગુજારતા પંથકમાં ચકચાર મચી છે. બાળકી નજીકમાં આવેલી દુકાને વેફર લેવા ગયા બાદ બે પૈકી એક યુવાન ડરાવી ધમકાવી પોતાના ફલેટ પર લઈ ગયો હતો અને અન્ય સાગરિત સાથે વારાફરતી બળાત્કાર ગુજારી બાળકીને પીંખી નાંખી હતી.  બે પૈકી એક હવસખોરની પોલીસે ધરપકડ કરી હોવાનું જાણવા મળી રહ્યું છે.

પોલીસ સૂત્રો પાસેથી મળતી માહિતી મુજબ વાપીના છીરી વિસ્તારમાં રહેતા એક પરિવારની ૧૨ વર્ષીય કામીની (નામ બદલ્યું છે) ગઈકાલે બપોરે ઘરેથી નજીકમાં આવેલી દુકાને વેફર લેવા ગઈ હતી. દુકાન પરથી પરત ઘરે આવતી હતી ત્યારે નજીકમાં આવેલી બિલ્ડીંગમાં રહેતો પંકજ વર્મા કામીનીને ડરાવી ધમકાવી પોતાના ફલેટ પર લઈ ગયો હતો. કામવાસનામાં ચકચુર બનેલા પંકજ વર્મા અને તેનો મિત્ર અમિતકુમાર નહેલપાલ સિંગે વારાફરતી કામીની પર બળાત્કાર ગુજાર્યો હતો. ઘટના બાદ કામીની પોતાના ઘરે પહોચી હતી. કામીની ધુ્રસ્કે ધુ્રસ્કે રડતી હોવાથી પાડોશીએ કંપનીમાં નોકરી પર ગયેલા તેના માતા-પિતાને જાણ કરી હતી. 

(5:32 pm IST)
  • દેશમાં દર આઠમાંથી એક મોત વાયુ પ્રદુષણથીઃ હેલ્થ મીનીસ્ટ્રીના અભ્યાસનું તારણઃ આઉટડોર પ્રદુષણથી ૧૦ લાખથી વધુના મોત ર૦૧૭ મા વાયુ પ્રદુષણથી થયેલ મોતમાં અર્ધા થી વધારેની ઉમર ૭૦ થી ઓછી : રીસર્ચ પેપર પ્રમાણે દુનિયાની ૧૮ ટકા વસ્તી ભારતમાં: ર૬ ટકા મોત વાયુ પ્રદુષણને કારણે : દિલ્હી, ઉતરપ્રદેશ, બિહાર, હરીયાણા, વાયુ પ્રદુષણઃ આયુષ્ય ૧.૭ વર્ષ ઘટે access_time 11:47 pm IST

  • જાતીય સતામણી કેસમાં ધરપકડ થયેલ મીકાસિંહનો સંયુક્ત આરબ અમીરાતમાં છુટકારો :17 વર્ષીય બ્રાઝીલીયન મોડલને વાંધાજનક ફોટા મોકલવાના કથિત ફરિયાદ બાદ ગાયક મીકાસિંહની ધરપકડ કરાઈ હતી :તેને બોલીવુડની ફિલ્મમાં કામ અપાવી દેવાનો પણ વાયદો કર્યો હતો :અબુધાબીના રાજદૂતના હસ્તક્ષેપ બાદ મીકાસિંહને મુક્તિ મળી ;હવે બાદમાં અદાલતમાં રજૂ થશે :મીકાસિંહની દુબઈમાં ધરપકડ કરાઈ હતી : ફરિયાદકર્તા પાસે અબુધાબીના વિઝા હોવાથી મીકાસિંહને અબુધાબી લઇ જવાયો હતો access_time 12:43 am IST

  • ગુજરાત કેડરના આઇપીએસ અધિકારી અતુલ કરવાલની બઢતી :સીઆરપીએફમા આઈજી તરીકે ફરજ બજાવી રહેલા કરવાલ ન એડિશનલ ડિજી તરીકે અપાઈ બઢતી : હાલ CRPF મા આઈજી તરીકે ડેપ્યુટશન પર છે અતુલ કરવાલ. access_time 9:52 pm IST