Gujarati News

પાટણ :શ્રાવણ માસના અંતિમ દિવસે સોમવતી અમાસે અને ભાદરવાના પ્રારંભની પૂર્વ સંધ્યાએ પાટણના આકાશમાં કાળા ડિબાંગ વાદળો ધસી આવ્યા હતા અને જોતજોતામાં ચારેબાજુ ફેલાઈ જતાં મેઘરાજા બરાબરની બેટિંગ કરશે તેવું વાતાવરણ સર્જાયું હતું. જોકે, જોરદાર વરસાદી ઝાપટાં પડયા બાદ વાદળો વિખેરાઇ ગયા હતા સાંજના સુમારે આ વરસાદી ઝાપટાથી જાહેર માર્ગો પર પાણી ફરતા થયા હતા. તો નીચાણવાળા વિસ્તારોમાં પાણી ભરાયા હતા.