Gujarati News

અરવલ્લી જીલ્લામાં કોરોના રસીને લઇને લોકોમાં નિરસતા જોવા મળી રહી હતી.અંતરીયાળ ગ્રામ્ય વિસ્તારોમાં કોરોના રસી પ્રત્યે નિરસતાનુ પ્રમાણ હતુ. જેને લઇને અનેક ગામડાઓમાં કોરોના રસીકરણ થયુ જ ના હોય તેવી સ્થિતી હતી. પરંતુ હવે જિલ્લામાં રસીકરણ પર ભાર મુકવા માટે પ્રયાસ હાથ ધરવામાં આવ્યો છે.

જિલ્લામાં તમામ 6 તાલુકા મથકોમાં અત્યાર સુધીમાં 3 લાખ 20 હજાર 81 લોકોને રસી અપાઇ ચુકી છે. જૈ પૈકી 18 થી 44 વયજૂથના 90 હજાર 351 યુવાનોને રસી અપાઇ છે. જિલ્લામાં 5 લાખ 24 હજાર જેટલા યુવાનો છે. આમ તે પૈકાના 16 થી 17 ટકા યુવાનોને રસીકરણ કરવામાં આવ્યુ છે. જિલ્લામાં 1.21 લાખ લોકો એ રસીના બંને ડોઝ મેળવ્યા છે. આમ હવે લોકો રસી પ્રત્યે જાગૃત થઇ આગળ આવી રહ્યા છે.