Gujarati News

સુરતઃ કોરોના વાયરસ ફેલાતો અટકાવવા માટે લોકડાઉન જાહેર કરાયું છે અને  શહેરમાં ૧૪૪ની કલમ લગાવી દેવાની સાથે ચાર કે ચારથી વધુ લોકોને ભેગા થવા પર પ્રતિબંધ મુકાયો છે ત્યારે લાલગેટ સીંધીવાડ વિસ્તારમાં લોકડાઉનનો છડેચોક ભંગ કરી જુગારની કલબ શરુ કરી મોટી સંખ્યામાં લોકો જુગાર રમવા બેઠા હતા. પોલીસે જુગારની કલબમાં રેડ પાડી ૧૩ જણાને ઝડપી પાડી તેમની પાસેથી રોકડા ૧.૩૪ લાખ કબજે કર્યા હતા.

આ અંગે મળતી વિગત મુજબ લાલગેટ પોલીસના જણાવ્યા મુજબ લાલગેટ સીંધીવાડ જુમ્મા મસ્જિદની પાસે ટાઈટન વોચની દુકાનના ઉપરના મકાનમાં સર્વેલન્સ સ્ટાફના માણસોએ રેડ પાડી હતી. જેમાં મકાન માલિક સરફરાઝ રફીક ઝુમેઝા, મોહમંદ સુફિયાન ઉર્ફે બીલાલ મોઈન મેમણ, યુસુફ ઉમર હોટલવાલા, સુલમાન હનીફ સોપારીવાલા, ઈમરાન સુલેમાન સિંધી, સલીમ સફી ફનીવાળા, રફીક કાદર મિરઝા, મોહમંદ ફારૂક રંગવાલા, અબ્દુલ રહેમાન ફારૂક પટેલ, વસીલ અબ્દુલ રઝાક, સોહીલ મોહમંદ હાજી દાઉદ, ફેઝાન ઝવેરી અહમદ ઝવેરી, અને સાહીલ અહમદ મોહમંદ સલીમ ફ્રુટવાલા જુગારને જુગાર રમતા ઝડપી પાડ્યા હતા. પોલીસે જુગારીઓ પાસેથી રોકડા ૧,૩૪,૫૪૦ કબજે કર્યા હતા. સફફરાજ ઝુમેઝા પોતાના આર્થિક લાભ માટે લોકોને જુગાર રમવા માટે ઘરે બોલાવી નાળ પેટે પૈસા વસૂલતો હતો